Yoswa 1:4 - Mawu a Mulluku

⁴ Ovenyera o echipululu, omwera ophiya o miyaango dda Lebanoni, ompoto ovenyerattho o muhinje muullupalli wa Yufurate wookhuma nndduwa ophiya o Enyanja Yuullupalli woovollowa nndduwa ni ellapo ettheene ya Ahiti enaakhalle ellapwaanyu.

Yoswa 1:4 Iomraidhean Croise

1 Mamwene 10:29

Nigareta nimodda nakulliwa ovenyera o Iguputo makobiri asiliva 600 nave kavalo mmodda akulliwa makobiri asiliva 150. Vatulli viwa amalonda a mwene yaanaakulliha magareta ni akavalo wa mamwene a Ahiti ni a o Siriya.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

1 Epilli 18:3

O Hamati Davide aamugonjihattho Hadadezere, mwene a o Zoba, ayeeye omutundani wa muhinje wa Yufurate wi akeraatthihewo omwenaaye.

1 Epilli 5:9

Nave wookhuma nndduwa yakhalla voovollowella mu echipululu mukhwipi mwa muhinje wa Yufurate ekaamba yawi eziweto ddiwa ddahaata wunchichi mu echigawo ya Giliyadi.

Ezara 4:20

Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

Eksodo 23:31

Kineerokeraatthiha ellapwaanyu ovenyera o Enyanja Yoofiira ophiya o enyanja ya Afilisti navettho ovenyera o echipululu ophiya o muhinje wa Yufurate. Kineeroweerihani wi mwaagonjihe athu ookhalla mu ellapweeyo nave muneerowiikariha.

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

Deuteronomo 11:24

Virive veko vinaanyingalle nnyallo nanyu vinaakhalle vaanyu. Ellapwaanyu enaambeelle o echipululu omwera, ophiya o mwaango wa Lebanoni ompoto navettho waambeella o muhinje wa Yufurate wookhuma nndduwa, ophiya o Enyanja Yuullupalli woovollowa nndduwa.

Deuteronomo 3:25

Mukaakhullelle wi killapuwe muhinje wa Yordani yoollave nave wi koone ellapo yaaphaameeyo vakhopellamvo, ellapo yooreera yamiyaango navettho miyaango dda Lebanoni.’

Yawuupullulla 9:14

Mawaayo yaallotana mungelo aneetthanu ni mmoddooyo wi, “Attaphulle angelo asese ayo emakiwe vamuhinjeni muullupalli wa Yufurate!”