Yoswa 1:2 - Mawu a Mulluku

² “Mose oorumeyellaaka ookhwa. Vano, khozeka weyaano ni Aisraele attheenaalla, mullapuwe muhinje wa Yordani nave muvollowe mu ellapo eyo kinaawaavaheemi Aisraele.

Yoswa 1:2 Iomraidhean Croise

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Nehemiya 9:23

Nave mwahaatiha edduullu ddiwa wonanko etheneeri ddooddullu ni waavollochiha mu ellapo eyo mwaalonjezilleenyu makhollwiiwa wi ekhalle yayiwayayiwa.

Yobu 1:8

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Numeri 12:7

Koma ngeerille ddiiddo ni oorumeyellaaka Mose oyo akhanlle aaweheraka athwaaka attheene Aisraele.

Deuteronomo 3:28

Koma omulangize phaama ni omullipiha murima Yoswa kaambiiwa olliye sika anaahoollelle athwaalla ollapuwa ophiyera ekhopella emoddeeyo ni waakha ellapo eyo onaayooneeweeyo.’

Deuteronomo 31:7

Vano Mose aamwiithana Yoswa nave aamulleella vamiitthoni va Aisraele wi, “Khalla amasiva ni oollipa murima vawi weyaano sika onaahoollelle athwaalla o ellapo eyo Apwiya yallupenlliiwa wa makhollwiiwa. Weyaano sika onaakeraattheyihe athu mwiillaponimmo.

Deuteronomo 34:5

Sika Mose, oorumeyella a Apwiya, aakhwa wenko mu ellapo ya Mowabu moollikana ni mmo Apwiya yallotelliiwa.

Yoswa 1:1

Mose, oorumeyella a Apwiya, akhwilleeye, Apwiya yaallota ni ookavihera a Mosooyo, Yoswa, mwaana a Nuni wi,

Yoswa 1:11

“Khaweni omisasani ddittheddene, mwaalleelle athu wi, ‘Mwiikhozere phooso kaambiiwa vavira mallapo mararu, muneerollapuwa muhinje wa Yordani ni waakhella ellapo eyo Apwiya Mullukwaanyu enuuvaheewani.’ ”