Yohane 9:7 - Mawu a Mulluku

⁷ nave aamulleella wi, “Khawe wasuusulle owiitthoninko mu nthiya na Shilowamu.” (Ottaphullella wi, Oorumiwa.) Sika muthoolle aayaawo asuusulla owiitthoni waye nave aawaawo oonaka.

Yohane 9:7 Iomraidhean Croise

Nehemiya 3:15

Nave Shalumi mwaana a Kolihoze oolamulella a echigawo ya Mizipa aamakattho mullako wa Neetuutu awuthunyella. Aamakellella maferemu vamodda ni machiwiiwa, ddoowallella ni mikoko ddoollipa. Aamakattho esiri ya nthiya na Shela ya emata ya mwene ophiya o masitepe ooya vatthi vookhumani mu muzinda wa Davide.

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Eksodo 4:11

Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

Yesaya 32:3

Miitthwiiwa eneerekewoona nave maarwiiwa eneerewiiwa.

Yesaya 35:5

Vaavo miittho a oohoona eneere woona, maaru a oohiiwa eneerohulleya.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Yesaya 43:8

Apwiya enallota wi, “Wiithaneni athwaaka o nthato namillatu. Miittho aakhallana koma khenoona, maaru aakhallana koma kheniiwa.

Yesaya 8:6

“Athu a ellapweella aakhoota maaddaaka o Shilowamu aweeta moomaalleya nave enaahakallallella mwene Rezini ni mwaana a Remaliya.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Luka 13:4

Nave muneesa wi athu 18 yaphittiwe ni enyumba yootthinddaanyerana yakumuwalle o Shilowamu mu Yerusalemu, yaari oochimwa ohiyana ni athu attheene ookhalla o Yerusalemunko?

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Yohane 11:37

Nave amodda a yaayo yaallota wi, “Muthu yoolla aamooniha muthu oohoona. Khaawonre omweeriha Lazaro wi ahikhwe?”

Yohane 9:11

Ahaakhulla wi, “Muthu ooromolliwa Yesu aheettheya ethaya amara vaddullu va miitthwaaka nave akilleella wi kiye o Shilowamu kasuusule owiitthoni waka. Sika kaayaawo kasuusulla nave kahoona.”

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,