Yohane 9:16 - Mawu a Mulluku

¹⁶ Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Yohane 9:16 Iomraidhean Croise

Mateyu 12:10

Waakhalla muthu a nnatta noorakalla. Afarisi yapaalla wi emwiipe Yesu mullatu, sika yaamukoha wi, “Ethiyo tti wowaakhullelliwa ni malamulwaahu ochiriha va nllapo na Sabata?”

Mateyu 12:2

Koma Afarisi* amodda yoonilliiwa nndda, yaallota wa Yesu wi, “Khaddinaakhullelliwa ni malamulwaahu oohudderaanyu ophara mutteko va nllapo na Sabata vookhoddollani makalla a tirigu!”

Luka 13:14

Vano muttekweene a mu enyumba yamavekello mulle aasha murima kaambiiwa Yesu aachiriha va nllapo na Sabata nave ahaalleella athu attheene wi, “Vookhalla mallapo matthanu ni nimodda oowaakhullelliwa ophara mutteko, muweeke mallapo yaalla muchirihiweke, ohikhalla va nllapo na Sabata!”

Yohane 10:19

Mawu yaalla yaaweeriha Ayuda wi evaanyihane.

Yohane 14:11

Kikhulupilileni miyaano wi kiri mwa Attiitthaaka ni Attiitthaaka eri mwa miyaano. Mwaahikikhulupililaka miyaano, khulupililakani ekaamba ya mitteko dda Attiitthaaka.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 5:10

Vano attekweene a Ayuda* yaamulleella muthu oochirihiwoolle wi, “Nna tti nllapo na Sabata nave malamulwaahu khenawaakhullella weyaano okusa mwinllaawo.”

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 6:52

Vano Ayuda yahaamba okambirana mmodda ni mukhwaaye wi, “Muthu yoolla anaanivahe mwiillaaye mwawiidde wi niche?”

Yohane 7:12

Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Yohane 7:23

Mwaana aamullopwana munnamuphadda va nllapo na Sabata wi malamulo a Mose ethwariwe koma munakishella murima kaambiiwa kaanamuchiriha muthu nllapo na Sabata?

Yohane 7:43

Sika waakhalla ovaanyihana m'mullokonoolle ekaamba ya Yesu.

Yohane 9:24

Vano yaamwiithana wiilli muthoolle khalle aari oohoona ellota wi, “Llupella vamiitthoni va Mulluku, ninnadduwella wi muthu uuchirihalloolla tti oochimwa.”

Mitteko 14:4

Athu ookhalla m'muzindanimmo yaakawaneya, amodda yaari ni Ayuda nave amodda yaari ni Paulo owaaka Baranaba.