Yohane 8:6 - Mawu a Mulluku

⁶ Yaallotille ddenndda wi emweese Yesu wi emphwanyelle mullatu woomuvaanyihera. Koma Yesu aawaramella vatthi analemba vatthi ni eyaallaaye.

Yohane 8:6 Iomraidhean Croise

Genesis 49:9

Yuda ari wonanko mwanamukango, Iipha enamaaye, annahokollweellattho nko aniipittheeye. Annattaphuruwa navettho annakonaatthi vatthi wonanko mukango, Nave khaavo anaallipe murima wi amuvenyihe.

Masalimo 39:1

Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

Miyambo 26:17

Muthu oyo anavollweella ekhoto yaaneena tti wonanko oyo anamuphara naaru mwanapwa aweeteeta.

Oollalleya 3:7

Vookhalla enthawi yawaahulla ni enthawi yoosowa, enthawi yoomaalleya ni enthawi yoollota.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Daniele 5:5

Moorurumusa vahooneya nnatta na muthu nilembaka vasirini va enyumba yoomwene moowehana ni enyali. Mwene ahoona nnattanno nilembaka.

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Mateyu 15:23

Koma Yesu khaamwaakhullalle naari vang'ono. Oohudderaaye yaaphiya wa olliye emuveka wi, “Mumulleelle avenyevo kaambiiwa animanyakulla vatulli vahu.”

Mateyu 16:1

Afarisi* amodda ni Asaduki* amodda yaawa wa Yesu. Yapaalla omweesa, sika yaamuveka echizindikiro yoovenyera oddullu yawooniha wi Mulluku sika amurumihalle.

Mateyu 19:3

Afarisi* amodda yaawa wa olliye, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye va erive ekaamba anapaalleeye?”

Mateyu 22:18

Koma Yesu aadduwella dda wiiwanana ddiwa ddoonanara nave aallota wi, “Awoottha nyu munakeesella tini?

Mateyu 22:35

nave mmodda a yaayo, muhuddihi a malamulo,* aamukoha Yesu wi amweese.

Mateyu 26:63

Koma Yesu aakhalla llakallaka. Vano mullupa mukutho muullupalli aallotattho wi, “Vamiitthoni va Mulluku Ookumi kinimuullupelliha weyaano wi onilleelle weyaano waari Mesiya,* Mwaana a Mulluku.”

Mariko 10:2

Afarisi* amodda yaawa wa olliyooyo, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye?”

Mariko 12:15

Koma Yesu voodduwellani maganizwiiwa oolleka aallota wi, “Munakeesella tini? Wannani nikobiri nookhomella musonkho wi koone!”

Mariko 3:2

Nave athu amodda yaamweetellella Yesu wi yoone eeki amuchirihe muthooyo va nllapo na Sabata wi emwiipe mullatu.

Mariko 8:11

Afarisi* amodda yaawa wa Yesu yaamba okohanana ni olliyooyo. Yapaalla omweesa, sika yaamuveka echizindikiro yoovenyera oddullu yawooniha wi Mulluku sika amurumihalle.

Luka 10:25

Muhuddihi a malamulo* mmodda ahiimella wi amweese Yesu, amukoha wi, “Ahuddihi, keere tini wi kaakhelle okumi woohimalla?”

Luka 11:16

Amodda yaamweesa Yesu, voomuvekani echizindikiro yoovenyera oddullu wooniha wi Mulluku sika aamurumalle.

Yohane 8:2

Osaka wene ohinase aahokollweella o enyumba ya Mulluku. Athu attheene yaatthukumana moomwaapheella nave akeraatthi aamba waahuddiha.

1 Akorinto 10:9

Nihimweese Apwiya wonanko amodda a alliwaayo vawi yahiiphiwa ni enowa.