Yohane 8:12 - Mawu a Mulluku

¹² Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 8:12 Iomraidhean Croise

Yobu 33:28

Ahoopolla okumaaka wi ohimorelle munllitini, miitthwaaka eneerewoonattho owala.

Masalimo 18:28

Nyu Apwiya, munnakhariha enyalaaka, Mullukwaaka, munnakimolleella mwiipiphini.

Masalimo 49:19

akhwa ni okumana ni makhollwaaye mattheene, khawattho oonawo owala.

Masalimo 97:11

Owala onnaaphiyella athu oolungama, ooreera murima ennahakallalla.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 5:14

“Nyu muri wonanko owala wa athu attheene a va ellapo yavatthi. Muzinda oyo omakiwe vamwaangoni khonaworeya ovittheya.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Yohane 12:36

Khulupililani owala enthawi yeeyo muriinyu mu owala wi mukhalle athu a owala.” Yesu amallihalle ollota ddenndda, aavenyavo iipittha.

Yohane 12:46

Mi tti owala wawiille mu ellapo yavatthi wi arive muthu anakhulupilila mwa miyaano ahikhalle mu epiphi.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Mitteko 13:47

Vawi ella sika Apwiya yanilamulliiwa wi, ‘Kooweerani wi mukhalle owala wa athu ayo ehiri Ayuda, wi ovullusa waka ophiye o makomello a ellapo yavatthi.’ ”

Mitteko 26:23

wi Mesiya* aphwanella ohoosiwa nave wi akhalle awaamba ovenya wa ookhwa wi allalleye owala wa Ayuda ni athu ayo ehiri Ayuda.”

2 Petro 2:17

Athu yaalla tti wonanko neetuutu oohikhalla ni maaddi navettho wonanko mirapo ddooweetihiwa ni ephevo yuullupalli. Mulluku oohaasungella nipuro niwa mu epiphi yooripesesa.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

1 Yohane 1:6

Vano naallotaka wi nookhalla ni eyaattano ni olliyooyo nave enthawi yeeyo ninakhalla mwiipiphini, ninnoottha mu mawaahu ni mu ddaweera ddahu.

Yuda 1:13

Ddaweera ddiwa ddoowulliha muru ddinooneya wonanko niphoru na mafunde awoopiha a va enyanja. Tti wonanko etheneeri ddaweeteeta nave Mulluku ohaasungella nipuro na epiphi yooripa yoohimalla.

Yuda 1:6

Muupuwelle angelo ayo yahikwakhwanihiwe ni olamulellwiiwa nave yaahiya mookhalla mwiwa. Mulluku ahaamaka ni onyolo woohiphaddeya nave ohaahiya onipuroni neepiphi ophiyera nllapo naweeruza nuullupallinne.

Yawuupullulla 21:24

Athu a va ellapo yavatthi eneereweeta mu owalanko navettho mamwene a va ellapo yavatthi eneerowaana eyuumiiwa mwemmo.