Yohane 8:11 - Mawu a Mulluku

¹¹ Ahaakhulla wi, “Khaavo.” Yesu aallota wi, “Nameenettho nginawiipa mullatu. Rowa koma ohichimwe wiilli.”]

Yohane 8:11 Iomraidhean Croise

Yobu 34:31

Aahikhallavo muthu amulleellille Mulluku wi, ‘Koovillella ddoohoosa, ngaakullella ochimwa.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Luka 13:3

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.

Luka 13:5

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.”

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Luka 15:7

Sika kinimuulleellani wi, emoddamoddave yeeyo oddullu oneerokhalla ehakallallo ekaamba ya muthu oochimwa mmodda arukunuwa murima ohiyana ni athu 99 ayo enaganiza wi tti oolungama nave khenapaalla orukunuwa murima.

Luka 5:32

Miyaano ngiwiille wi kiwiithane athu oolungama koma athu oochimwa wi erukunuwe mirima.”

Luka 9:56

Sika Yesu ni oohudderaaye yaaya m'muzi mmodda.

Yohane 18:36

Yesu aallota wi, “Omwenaaka khori wa ellapo yavattheella. Omwenaaka wakhanlleke wa ellapo yavattheella akhotwaaka yaawerowanana ekhoto wi kihivelleelliwe wa Ayuda koma omwenaaka khori wa ellapo yavatthimva.”

Yohane 3:17

Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 5:14

Ddimallille nndda Yesu aakumanana mu enyumba ya Mulluku amulleella wi, “Ngoona, woochira vano, ohichimwettho wi yoonanara yookhwaranya eretaawo eheereye wa weyaano.”

Yohane 8:15

Nyuwaano muneeruza wonanko mmo athu eneeruzelliiwa koma miyaano nginamweeruza arive muthu.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

1 Akorinto 5:12

Kohiyo muttekwaaka oweeruza athu a otte wa mpingo. Mulluku aneeroweeruza. Koma ethiyo khamunaphwanella oweeruza athu a mumpingoni mwanyu? Mawu a Mulluku enallota wi, “Mumuvenyihemo muthu oonanara mumpingoni mwanyu.”

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Deuteronomo 17:9

nave muvelleelle mullatooyo wa allupa mukutho, Alevi ni wa aweeruza oyo anaphara mutteko enthawi yeeyo nave alliwa eneerewuutthopoollellani makamullello a mullatooyo.

2 Petro 3:15

Upuwellani wi ovillella wa Apwiihu wahuuvahani ekari yawi muvullusiwe wonanko mmo Paulo, mwanamunnihu ookondiwa, uulembelleeyeni voopharihani mutteko ezeru aavahiweeye ni Mulluku.