Yohane 7:42 - Mawu a Mulluku

⁴² Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Yohane 7:42 Iomraidhean Croise

1 Epilli 2:51

Salima aamuyara Betelehemu navettho Harefi aamuyara Betegadere.

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Masalimo 89:4

‘Kineerokeraatthiha edduullu ddawo wa enthawi yoohimalla, kineerosungella mpandwaawo woomwene mibado ddittheddene.’ ”

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mateyu 1:1

Nna sika ntthopoollo na makhollwaaye a Yesu Khrisitu, edduullu ya Davide, oyottho aari edduullu ya Abrahamu.

Mateyu 2:5

Vano yaamulleella wi, “Mu Betelehemu a Yudeya. Vallethi namallotella aalemba wi,

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Luka 2:4

Yosefe avenyera o etawoni ya Nazareti o Galileya, aya o etawoni ya Betelehemu o Yudeya, wayarelliwe Davide kaambiiwa Yosefooyo aari edduullu ya Davide.

Yohane 7:27

Nave Mesiya awa, khaavo anaadduwelle nko anaavenyereeye. Koma attheene ninnadduwella nko muthu yoolla anavenyereeye.”

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

1 Samuele 17:58

Saulo aamukoha Davide wi, “Ethiyo we musombwe, ori mwaana awani valle?” Davide ahaakhulla wi, “Mi tti mwaana a mullupa muttekwaanyu Yese a o Betelehemu.”