Yohane 7:12 - Mawu a Mulluku

¹² Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Yohane 7:12 Iomraidhean Croise

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 21:46

Sika yaapaalla wi emmake koma yawoova athwaayo kaambiiwa yamwaakhullella Yesu wi tti namallotella.

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Luka 18:19

Yesu aamukoha wi, “Onakeera miyaano muthu aphaama kaambiiwa tini? Khaavo muthu ari aphaama koma Mullukuve.

Luka 23:47

Akhoto muullupalli a o Roma oonilleeye ddeereyillennddo aamutitimiha Mulluku allota wi, “Ddawoona, muthoolla aari oolungama!”

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Luka 6:45

Muthu aphaama anakhumiha ddeko ddaphaama ovenyera m'murimani mwaye koma muthu oonanara anakhumiha ddeko ddoonanara ovenyera m'murimani mwaye. Vawi eyano enallota ddeko ddiddanlle m'murimani mwa muthu.”

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 7:32

Afarisi* yiiwalliiwa athu enong'onaka dda Yesu m'mullokoni mulle, alliwaayo ni allupa mukutho uullupalli yahaaruma akhoto a o enyumba ya Mulluku wi yammake.

Yohane 7:47

Afarisaalle yahaakoha wi, nanyeenettho owoottotthani?

Yohane 7:52

Yaamwaakhulla olliye wi, “Wettho onavenyera o Galileya?” Huddera mawu a Mulluku nave oneerodduwella wi khaavo namallotella anavenyera o Galileya.

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Aroma 5:7

Tti ello yoorama muthu mmodda okhwa ekaamba ya muthu oolungama. Koma apaalle muthu mmodda opaalla okhwa ekaamba ya muthu aphaama.

Afilipi 2:14

Mweereke ddittheddene moohiwinya apaalle ovaanya,