Yohane 7:10 - Mawu a Mulluku

¹⁰ Asinne a Yesu eyiille o ehakallallo wulle, Yesu nayeenettho aayaawo ohiri mwawooneya koma mwawiipittheya.

Yohane 7:10 Iomraidhean Croise

Masalimo 26:8

Nyu Apwiya, kinnakonda enyumba eyo munakhalleenyumo, onipuroni nko ori ntitimiho nanyu.

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Mateyu 12:46

Yesu alloteeye wa athu, amennya ni asinne yaaphiya. Yahiimella vaatte, opaalla wi ellote ni olliyooyo.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Mariko 3:21

Abalaaye yiiwalliiwa ddenndda yaawa wi emukuse kaambiiwa yaganiza wi tti mullupaanepa.

Yohane 11:54

Sika Yesu khaaweteentettho mwawooneya vamiitthoni va Ayuda koma aavenyavo aya o echigawo yawaatamella echipululu, o etawoni yooromolliwa Efuraimu. Wenko aakhallawo ni oohudderaaye.

Yohane 7:3

Sika asinne a Yesu yaamulleella wi, “Venyaniwoni wuno muye o Yudeya wi oohudderaanyu ni alliwattho yoone mitteko ddanyu nnddo muneereenyu.

Yohane 7:5

Vawi naari asinnaayo kheyaamukhulupilila.

Yohane 7:9

Aallotilleeye nndda aahalla mu Galileya.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,