41 “Mi nginaashaasha otitimihiwa ni athu.
Vawi yaakonda waakhella olemu wa athu ohiyana ni waakhella olemu wa Mulluku.
Miyaano nginapaalla omboni wa muthu nave kinallota ddenndda wi nyuwaano mwavullusiwe.
koma khamunapaalla owa wa miyaano wi mwaakhelle okumi.
Koma kinnadduwella makhallellwaanyu nave kinnadduwella wi khamunna echikondi ya Mulluku m'murimani mwanyu.
Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?
Yesu aadduwella wi yapaalla owa wi empharelle omwene, sika aavenyavo aya omwaangoni yeekhaaye.
Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.
Miyaano nginaashaasha ntitimiho nameekhaaka koma vookhalla mmodda ananaashaasha nave yooyo sika anaaweeruze.
Yesu ahaakhulla wi, “Kaariki kiititimiheke meekhaaka, ntitimiho naka khanaakhalle ni mutteko. Attiitthaaka ayo munalloteenyu wi tti Mullukwaanyu sika enakititimiha miyaano.
Khanaapanlle waakhella olemu ovenyera wa arive muthu naari ovenyera wa nyuwaano apaalle wa amodda.
Mulluku aawiithanellani ohoosiwa vawi Khrisitu mwaneena aahoosiwa ekaamba ya nyuwaano nave ahuuhiyerani echisanzo wi muthware manyallwaaye.
Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”
