Yohane 4:9 - Mawu a Mulluku

⁹ Mutthiyanoolle ahaakhulla wi, “Nyu tti Muyuda. Kaambiiwa tini munakivekeenyu maaddi miyaano Musamariya?”* (Vawi Ayuda khenaphariha mutteko makapu ni embale ddimoddamodda ni Asamariya.)

Yohane 4:9 Iomraidhean Croise

Mateyu 10:5

Athu khumi ni eelli yaalla Yesu ahaarumiha ni malamulo awi, “Muhiyeewo o ezigawo dda athu ayo ehiri Ayuda naari o matawoni a Samariya.

Luka 10:33

Nave Musamariya,* ari voolendonaaye, aavirella musewu yooyo. Aphiyalleeye vanipuronimvo aamoona muthooyo nave aamoriwa ethakaraka.

Yohane 4:27

Enthawi yeeyo oohuddera a Yesu yaawa nave yaattikhina wi aanallota ni mutthiyana koma khaavo mmodda aamukohille wi, “Munapaalla tini?” Apaalle “Munallota ni yoolla kaambiiwa tini?”

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Mitteko 10:32

Vano arumihe athu amodda eye o Yopa wi yamwiithane muthu mmodda nnddina naye Simoni Petro. Olliyoolla tti mulleto mu enyumba ya Simoni oopanga mattapara oyo anakhalla vakhuviru ni enyanja.’