Yohane 4:41 - Mawu a Mulluku

⁴¹ Anchichi yaavirellella waanjerereya okhulupilila ekaamba ya mawu a Yesu.

Yohane 4:41 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Luka 4:32

Athu attheene yaattikhina ni ehuddiherwaaye kaambiiwa allota ni olamulello.

Yohane 4:40

Sika Asamariyaalle yaphiyalliiwa wa olliye, yaamuveka wi akhalle ni alliwaayo nave aakhallawo mallapo meelli.

Yohane 4:42

Yaamulleella mutthiyanoolle wi, “Ninnakhulupilila vano ohiri ekaamba ya mawaawo koma kaambiiwa noomwiiwa weekhiihu nave ninnadduwella wi yoollathi tti Oovullusa a ellapo yavatthi.”

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Yohane 7:46

Akhotwaalle yahaakhulla wi, “Khaavo anallota wonanko muthu yoolla!”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 8:12

Koma yakhulupililalliiwa othenga waphaama dda omwene wa Mulluku ni dda Yesu Khrisitu woollalleyiwa ni Filipo, yaabatiziwa allopwana ni atthiyaneene.

Mitteko 8:25

Yamallihalliiwa ovelleella omboniiwa ni ollalleya dda othenga wa Apwiya, Petro ni Yohane yaahokollweella o Yerusalemu. Yarowiiwa yaallalleya othenga waphaama m'mizi ddinchichi o Samariya.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.