Yohane 4:19 - Mawu a Mulluku

¹⁹ Mutthiyanoolle allota wi, “Kohoona wi nyuwaano tti namallotella.

Yohane 4:19 Iomraidhean Croise

2 Mamwene 5:26

Koma Elisha aamukohattho wi, “Ethiyo munepaaka khawaawuuvelleelle valle muthoolle akittheeye va nigareta wi uuchingamelle? Ethiyo yeella yaari enthawi yawaakhella makobiri ni ddoowara, emata dda olivi ni dda mmiddo wa mpesa, apaalle eziweto, akaporo aallopwana apaalle aatthiyana?

2 Mamwene 6:12

Mmodda mwa endunannddo ahaakhulla wi, “Apwiya, khaavo naari mmodda, apwiya. Koma Elisha namallotella a o Israele sika anamulleella mwene a o Israele mawu ayo munalloteenyu okhwipi muchipindani mwanyu.”

Mateyu 21:11

Athwaalle yahaakhulla wi, “Olla sika Yesu namallotella oovenyera o etawoni ya Nazareti a echigawo ya Galileya.”

Luka 24:19

Yesu ahaakoha wi, “Ddawiidde?” Yahaakhulla wi, “Ddeko ddeereyille wa Yesu a o Nazareti. Muthu yoolla aari namallotella nave mitteko ddaye ni mawaaye ddaari ddamasiva vamiitthoni va Mulluku ni athu attheene.

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Luka 7:39

Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Yohane 4:18

Vawi wookhalla otthelliwaka ni allopwana atthanu nave mullopwana onakhalleewenoolla khe mamuno. Wookilleella ddawoona.”

Yohane 4:29

“Hankoni mwamoone muthu akilleelle ddittheddene kenreemi. Yoolla khahiyo Mesiya?”

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 7:40

Athu amodda m'mullokonimmo yamwiiwalliiwa allotaka ella yaallota wi, “Olla sika namallotella!”

Yohane 9:17

Sika Afarisi yaamukohattho wi, “Onallota wi ahuuchiriha ohoona wawo, vano weyaano onallota tini dda olliyoolla?” Muthoolle ahaakhulla wi, “Tti namallotella.”

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.