Yohane 3:8 - Mawu a Mulluku

⁸ Ephevo enoopella nko enapaalliiwa nave onniwa moopellwiiwa koma khonadduwella nko enavenyeriiwa naari nko enayiiwawo. Emoddamoddave yeeyo enaphwanaphwana ni arive muthu oyo anayariwa wiilli mwa Munepa Waweella.”

Yohane 3:8 Iomraidhean Croise

Masalimo 107:25

Apwiya yalamulalliiwa, yaamwaambiha namondwe oyo aambihalle mafunde va enyanja.

Masalimo 107:29

Apwiya yaakhurumusa ephevo ya namondwe, mafunde a enyanja yaamaalla.

Masalimo 135:7

Tti alliwa enakhumiha mirapo wookomella ellapo yavatthi, enasherimiha ettari wi eweena murimu, enoopiha ephevo ovenyera mu moosungellamo mwiwa.

Oollalleya 1:6

Ephevo ennoopella omwera erukunuwella ompoto. Ennoopa moowaapheella, ennahokollowella nko yavenyeriiwawo.

Ezekiele 37:9

“Vano Apwiya yaakilleella wi, ‘We mwaana a muthu, llotella nave olleelle mpweya mawu a mi Apwiya Mulluku wi we mpweya, ngawa wuno ovenyera o embali ddisese ddittheddene, ovollowe mwa athu awiiphiwaalla wi ekhallettho akumi.’

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Yohane 3:7

Ohittikhine kaambiiwa kohuulleella wi, ‘Onaphwanella wi muyariwe wiilli.’

Yohane 3:9

Nikodemo ahaakoha wi, “Nndda ddineereye mwawiidde?”

Mitteko 2:2

Moorurumusa wahiiweya ovenyera oddullu wonanko woopa wa ephevo yawoopiha nave yahiiweya mpa mutthemwene yakhanlliiwammo.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

1 Akorinto 12:11

Nave tti Munepa mmoddave yooyo aneera ddittheddenenndda. Annavaha emphaso yoohiyanahiyana wa arive muthu mmo anapaallelleeye.

1 Akorinto 2:11

Tti munepa wa athu onadduwella ddittheddene dda yaayo, emoddamoddave yeeyo tti Munepave wa Mulluku onadduwella ddittheddene dda Mulluku.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.