Yohane 3:6 - Mawu a Mulluku

⁶ Athu enaayara athu, Munepa Waawella ttuuwora ovaha okumi wa minepa ddiwa.

Yohane 3:6 Iomraidhean Croise

Genesis 5:3

Adamu ari ni miyakha 130 aamuyara mwaana oophwanaphwana ni olliye, nnddina naye Seti.

Genesis 6:12

Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Yohane 3:7

Ohittikhine kaambiiwa kohuulleella wi, ‘Onaphwanella wi muyariwe wiilli.’

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Aroma 7:25

Mulluku athokoziwe, oyo aneera ddenndda oweella mwa Apwiihu Yesu Khrisitu! Sika vano miyaano kinniiwellella malamulo a Mulluku ni murima waakave koma omuthwaaka oniiwellella malamulo a machimo.

Aroma 7:5

Vawi nalamulelliweehu ni omuthu, malamulo yaananeeriha wi nikhalle ni minkhella ddoochimwa. Minkhelanndda ddaanalamulella mwiillaahu muttheene oneeriha wi nikhwe.

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

1 Akorinto 6:17

Koma oyo anaattana ni Apwiya anakhalla mmodda ni alliwaayo m'munepani.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.