Yohane 3:5 - Mawu a Mulluku

⁵ Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Yohane 3:5 Iomraidhean Croise

Mateyu 18:3

Nave aallota wi, “Ddawoona, kinimuulleellani wi mwaahirukunuwa muneerokhalla wonanko mwaana khamuwa muvollowa mu omwene wa Mulluku.

Mateyu 19:24

Kinimuulleellanittho wi tti yavakhuviru wi ekamira* evire vamullakoni va singano ohiyana ni wi muthu eeyuuma avollowe mu omwene wa Mulluku.”

Mateyu 21:31

Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mateyu 5:20

Kaambiiwa kinimuulleellani wi, munaavollowe mu omwene wa Mulluku mwalungama wunchichi waakhwaranya ahuddihi a malamulo* ni Afarisi* vaweerani nnddo anapaalla Mulluku.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Mariko 9:47

Nave niittho nawo nuuchimwiha, onikhorokottemo! Tti waphaama wa weyaano wi wavollowe mu omwene wa Mulluku ni niittho nimodda ohiyana ni okhalla ni miittho meelli ovokhiwe mu gehena.

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Luka 13:3

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.

Luka 13:5

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.”

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yohane 3:4

Nikodemo ahaakoha wi, “Muthu anaayariwe wiilli mwawiidde ari unnuwalle? Olliyooyo khawora ovollowa m'mirimani mwa amennya ni oyariwa wiilli!”

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

1 Akorinto 2:12

Hiyaano khanaawakhenlle munepa wa ellapo yavattheella koma naakhenlle Munepa woorumihiwa ni Mulluku wi nidduwelle ddittheddene Mulluku anivahilleeye.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.