Yohane 3:21 - Mawu a Mulluku

²¹ Nave ayo eneera ddawoona ennawa nko ori owala wi owalanko woonihe wi mitteko ddiwa tti ddoomwiiwellella Mulluku.

Yohane 3:21 Iomraidhean Croise

Masalimo 119:105

Mawaanyu tti enyali ya omanyalloni waka, ennamolleella ettillaaka.

Masalimo 119:80

Murimaaka ohikhalle ni yoolakwa va malamulwaanyu wi kihiwulliwe muru.

Yesaya 26:12

Nyu Apwiya, munnanivaha murendelle, ddittheddene nineereehu ddinavenyera wa nyuwaano.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Agalatiya 6:8

Vawi ayo enamidda m'matani mwa minkhella dda omuthwiiwa, eneerotthukumaniha ddoohata dda okhwa; yamidda m'matani mwa munepa ovenyera wa munepa yooyo eneerotthukumaniha yoohata ya okumi woohimalla.

Aefeso 5:9

vawi owala sika oneeriha ddaphaama, echilungamo ni yawoona.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Yohane 1:6

Vano naallotaka wi nookhalla ni eyaattano ni olliyooyo nave enthawi yeeyo ninakhalla mwiipiphini, ninnoottha mu mawaahu ni mu ddaweera ddahu.

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

Yawuupullulla 3:15

Kinnadduwella makhallellwaawo wi khemuri ooriirya naari ooviha. Waaweerokhalla phaama mwaariki ooriirya apaalle ooviha!