Yohane 21:2 - Mawu a Mulluku

² Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

Yohane 21:2 Iomraidhean Croise

Mateyu 10:3

Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Mariko 1:19

Eetille vang'ono oya vahoollo aamoonattho Yakobo ni mwanamunne Yohane, anamwani a Zebedayo. Alliwaalla yaari mu ekallawiiwa esowaka mathaviiwa.

Luka 5:10

Yohane ni Yakobo anamwani a Zebedayo, ayo yaarittho akhwaaye a Simoni ni alliwattho yaattikhina. Yesu aallota wa Simoni wi, “Ohoove, waambeella ollello oya muhoollo oneerekewaattottha athu.”

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 11:16

Vano Tomasi, ooromolliwa Didimo, ahaalleella oohuddera akhwaaye wi, “Hankoni niyeewo wi nakhwena vamodda ni Yesu!”

Yohane 2:1

Viviralle mallapo meelli waakhalla machellello a okwati mu etawoni ya Kana o echigawo ya Galileya. Amennya a Yesu yaari wenko.

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 4:46

Vano Yesu aahokollweella o Kana mu Galileya nko khalle aatthattusalleeye maaddi okhalla vinyo. Wenko waakhalla muttekweene a o boma o Kaperenao nave mwanaye aamullopwana aanavoriiwa.

Yoswa 19:28

Ebdoni, Rehobu, Hamoni ni Kana yaphiya o Sidoni muullupalli.