Yohane 21:16 - Mawu a Mulluku

¹⁶ Yesu aamukohattho wiilli wi, “Simoni, mwaana a Yohane, onnakikonda miyaano?” Ahaakhulla wi, “Ee Apwiya, munnadduwella wi kinnuukondani.” Yesu aamulleella wi, “Achiheke asaanaankhosaaka.”

Yohane 21:16 Iomraidhean Croise

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Masalimo 95:7

Alliwa tti Mullukwaahu, hiyaano tti athu a obusani wiwa, enkhosa dda m'mattani mwiwa. Ollellove iwani mawiiwa,

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mateyu 25:32

Nave athu a mitundu ddittheddene eneerotthukumanihiwa vamiitthoni vaka. Vano kineerewaahiyaniha mmodda ni mukhwaaye wonanko mmo mbusa anahiyaniheeye enkhosa ni epuri.

Mateyu 26:72

Nave wiillittho aaruna ni ollota wi, “Kinimallupella wi nginamudduwella muthu yoolle.”

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Yohane 18:17

Namwalli oowehera va mullakooyo aamukoha Petro wi, “We khohiyo mmodda a oohuddera a muthu amakiwoolla?” Petro ahaakhulla wi, “Khe miyaano.”

Yohane 18:25

Simoni Petro ahiimellave vaavo oothaka munllo. Vano amodda yaamukoha wi, “We khohiyo mmodda a oohuddera a muthu amakiwoolle?” Nave Petro aaruna, allota wi, “Khe miyaano.”

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”