Yohane 21:12 - Mawu a Mulluku

¹² Yesu ahaalleella wi, “Waawoni muche.” Nave khaavo mmodda a oohudderaaye allipalle murima omukoha olliyooyo wi, “Nyu ttaani?” Yaadduwella wi yaari Apwiya.

Yohane 21:12 Iomraidhean Croise

Mateyu 22:46

Khaarivo naari mmodda aworille omwaakhulla Yesu nave waambeella nllapo nenno khaarivo mmodda oollipa murima amukohille makoho mamodda.

Mariko 9:32

Kheyaawiiwesesille ehuddihweeyo koma yahoova omukoha dda yeeyo.

Luka 9:45

Koma oohudderaayo kheyaawiiwesesa mawu yaalla kaambiiwa ottaphullella wiwa waavitthiwa wa alliwaayo. Koma yahoova wi emukohe dda mawu yaalla.

Yohane 16:19

Yesu aadduwella wi yapaalla wi emukohe, sika ahaakoha wi, “Ella sika mwakohaneenyu mmodda ni mukhwaaye wi kaallota wi ‘Vavira enthawi yooyeva khamuwa mukoona miyaano koma yavira enthawi emodda yooyeva muneerokoonattho?’

Yohane 21:11

Sika Simoni Petro aawella mukallawani apurullella nthavinno mukhwipi mwa enyanja. Nthavinno naaddalla ni ehomba dduullupalli 153. Nave naari ddaari ddawaata ddiidda koma nthavinno khanaawaahuwalle.

Yohane 21:15

Nave emanlle ocha, Yesu aamulleella Simoni Petro wi, “Simoni, mwaana a Yohane, onnakikonda miyaano ookhwaranya amoddaalla?” Ahaakhulla wi, “Ee Apwiya, munnadduwella wi kinnuukondani.” Yesu aamulleella wi, “Achiheke anamwanankhosaaka.”

Yohane 4:27

Enthawi yeeyo oohuddera a Yesu yaawa nave yaattikhina wi aanallota ni mutthiyana koma khaavo mmodda aamukohille wi, “Munapaalla tini?” Apaalle “Munallota ni yoolla kaambiiwa tini?”

Mitteko 10:41

ohiri wa athu attheene koma wa amboni yaayove yatthoolliwe khalle ni Mulluku, sika vano tti hiyaano nachille ni owirya ni olliye avenyille wa ookhwa.