Yohane 20:16 - Mawu a Mulluku

¹⁶ Yesu aallota wi, “Mariya!” Mariya aarukunuwa allota mu Eheberi wi, “Raboni.” Ottaphullella wi, “Ahuddihi.”

Yohane 20:16 Iomraidhean Croise

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Genesis 22:11

Koma mungelo a Apwiya aamwiithana ovenyera oddullu wi, “Abrahamu, Abrahamu!” Olliye ahaakhulla wi, “Ee, Apwiya!”

Genesis 45:12

Yosefe aavirellella ollota wi, “Vano attheenenyu ni Benjamini, mung'onong'onwaakoolla, ttuuwoona ni miitthwaanyu wi tti miyaano Yosefe kinallota ni nyuwaano.

Eksodo 3:4

Apwiya yoonille wi annaatamella, yaamwiithana m'makukhunimmo wi, “Mose, Mose!” Mose ahaakhulla wi, “Miyaano.”

Eksodo 33:17

Vano Apwiya yaamulleella Mose wi, “Kineereweera moollikana ni mmo ollotilleewe ekaamba yawi kooweerella echifundo ni weyaano nave kinnuudduwella phaama.”

Nchipo na Solomoni 3:4

Kaakhwaranyille vang'ono alondaalle kaamuphwanya. Kaamuphara oohimwaakhullella wi avenyevo, ophiyera kaamuvollochiha mpa mwa amoowe, muchipindani ya ayo yakiyanre.

Nchipo na Solomoni 5:2

Kaakona koma murimaaka waari miittho. Ngiiwani! Ookondiwaaka sika anookotha. Musombwe Kihullelle we murokoraka, ookondiwaaka, ekhundaaka, aphaamaaka. Murwaaka woonaana ni nikame, meehaaka aanaana ni echifunga ya mahiiyu. Namwalli

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Mariko 10:51

Yesu aamukoha wi, “Onapaalla wi kiweerelle tini?” Ahaakhulla wi, “Ahuddihi, kinapaalla wi kooneke.”

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Yohane 1:38

Yesu aarukunuwa awoona alliwa emuthwaraka nave ahaakoha wi, “Munaasha tini?” Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.)

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yohane 10:3

Oowehera a vamullakoni annamuhullella mullakooyo nave enkhosa ddinniiwa mawaaye. Annaddiithana enkhosa ddayennddo manddiniiwa nave annaddihoollella vaatte.

Yohane 11:28

Marita allotilleeye ella, aamwiithana mwanamunne Mariya vaweekhiiwa nave aamulleella wi, “Ahuddihi aaphiya nave ennawiithana weyaano.”

Yohane 13:13

Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 5:2

Mu Yerusalemu vakhuviru ni mullako wa Enkhosa vaakhalla nthiya nooromolliwa Betisaida mu ellotello ya Eheberi naakhalla ni makhote matthanu.

Yohane 6:25

Athu yaamphwanyilliiwa Yesu vakhopella va enyanjeelle, yaamukoha wi, “Ahuddihi, mwawiille niini wuno?”

Mitteko 10:3

Yaari enthawi ekwakhwanne 3 koloko otthaana mvo oonilleeye phaama ddene masomphenya, mungelo a Mulluku awaaka wa olliye amwiithana wi, “Korineliyo!”

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

1 Samuele 3:10

Apwiya yaawa yiimella vaariiye, emwiithana wonanko yamwiithanelliiwa vawaamba valle, “Samuele! Samuele!” Samuele ahaakhulla wi, “Llotani, mi mullupa muttekwaanyu kinniiwa.”

1 Samuele 3:6

Vano Apwiya yaamwiithanattho Samuele. Samuele aavenya aya wa Eli allota wi, “Koowa, kohiiwa wiithana.” Eli amulleella wi, “Mwanaka ngiwiithanille, khawe wakonaatthi.”