Yohane 2:23 - Mawu a Mulluku

²³ Yesu aariiye mu Yerusalemu enthawi ya Ehakallallo ya Paska, anchichi yaakhulupilila mwa olliyooyo yoonilliiwa ddoottikhiniha eerilleeye.

Yohane 2:23 Iomraidhean Croise

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

Yohane 11:45

Anchichi a Ayuda, ayo yawiille wa Mariya nave yoona eyo Yesu eerilleeye, yaakhulupilila mwa olliyooyo.

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 4:45

Aphiyalleeye o Galileya, athu a wenko yaamwaakhella vawi yahoona ddittheddene eerilleeye mu Yerusalemu va Ehakallallo ya Paska vawi alliwattho yaayaawo o ehakallallweeyo.

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 6:2

Nave mulloko wa athu muullupalli waamuthwara kaambiiwa yahoona ddoottikhiniha ddaye ddoowaachiriha oovoriiwa.

Yohane 7:31

Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

1 Yohane 3:23

Eyo analamuleeye tti yawi nimukhulupilileke Mwanaye Yesu Khrisitu nave nikondaneke, wonanko mmo aanilamulalleeyettho.