Yohane 2:13 - Mawu a Mulluku

¹³ Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

Yohane 2:13 Iomraidhean Croise

Nehemiya 13:8

Vaavo kaasha murima nave kaamutathillella vaatte katundu muttheene a Tobiya oyo aari muchipindanimmo.

Mateyu 21:12

Yesu aavollowa mu enyumba ya Mulluku awiikariha athu ookulliha ni ookulla malonda ddeko ddooheraatthella mukutho mwemmo. Aarukunusa matebulo a athu awaakakhaniha makobiri navettho mipando dda ookulliha ekhunda.

Mariko 11:15

Yesu ni oohudderaaye yaphiyalliiwa o Yerusalemu, Yesu aavollowa mu enyumba ya Mulluku aamba owiikariha athu ookulliha ni ookulla malonda a ddeko ddooheraatthella mukutho mwemmo. Aarukunusa matebulo a athu awaakakhaniha makobiri navettho mipando dda ookulliha ekhunda.

Luka 19:45

Vano Yesu aavollowa mu enyumba ya Mulluku aamba owiikarihamo athu yakulliha ddeko ddiwa.

Luka 2:41

Makhollwaaye a Yesu yaanaya o Yerusalemu muyakha ni muyakha o Ehakallallo ya Paska.

Yohane 11:55

Vano Ehakallallo ya Paska a Ayuda yahaatamella. Sika athu anchichi yaavenyera m'muzi oya o Yerusalemu Paskooyo ahinaphiye wi yeellihiwe.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 2:23

Yesu aariiye mu Yerusalemu enthawi ya Ehakallallo ya Paska, anchichi yaakhulupilila mwa olliyooyo yoonilliiwa ddoottikhiniha eerilleeye.

Yohane 5:1

Ddimallille nndda Yesu aaya o Yerusalemu o Ehakallallo ya Ayuda.

Yohane 6:4

Nave enthawi ya Ehakallallo ya Paska a Ayuda yahaatamella.

Deuteronomo 16:16

“Allopwana attheene a mutundwaanyu ewe wi yaallapelle Apwiya Mullukwaanyu o nipuro namallapello, oraru vamuyakhani. Ewe va enthawi ya Paska, Ehakallallo ya Ddoohata navettho va Ehakallallo ya Misasa. Nave ehiweeke vamiitthoni va Apwiya mattave