Yohane 19:4 - Mawu a Mulluku

⁴ Nave Pilato aakhumattho vaatte allota wi, “Kinimamukusella wa nyuwaano vaatte wi mudduwelle wi nginaphwanya mullatu mwa olliyooyo.”

Yohane 19:4 Iomraidhean Croise

Mateyu 27:19

Vano Pilato akeraatthille vampandoni wooweeruzella mwaariye aarumiha wa olliyooyo mawu awi, “Muheere ello ni muthu oolungamoolla vawi mahiiyu koohoowa muullohani ekaamba ya yoolla.”

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Luka 23:4

Vano Pilato aallota wa allupa mukutho uullupalli ni mulloko waathwaayo wi, “Nginaphwanya mullatu wawi kimwiipe muthoolla.”

Luka 23:41

Hiyaanothi ninnaphwanella ollakiwa kaambiiwa ninaakhella ollikana ni ddaweera ddahu koma olliyoolla khenre yoonanara.”

Luka 23:47

Akhoto muullupalli a o Roma oonilleeye ddeereyillennddo aamutitimiha Mulluku allota wi, “Ddawoona, muthoolla aari oolungama!”

Yohane 18:33

Sika Pilato aavollowattho munthatoni mulle. Amwiithana Yesu amukoha wi, “We tti Mwene a Ayuda?”

Yohane 18:38

Pilato ahaakoha wi, “Vano yawoona tti tini?” Nave aallotilleeye ella, Pilato aayattho wa Ayuda allota wi, “Nginamphwanyana orive mullatu.

Yohane 19:6

Nave allupa mukutho uullupalli ni akhoto yamoonilliiwa yaakhuwa wi, “Mutthomeyeni vamutandani! Mutthomeyeni vamutandani!” Pilato ahaalleella wi, “Nyu mumukuse mwamutthomeye vamutandani olliyooyo. Vawi miyaano nginaphwanya mullatu mwa olliyooyo.”

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

1 Petro 2:22

Olliye kheerille nirive nichimo nave muwano mwaye khamwaavenyenre erive yawoottha.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

1 Yohane 3:5

Munnadduwella wi Khrisitu ahooneya wi avenyihe machimo nave wi mwa olliye machimo kheyaamo.