Yohane 17:8 - Mawu a Mulluku

⁸ Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 17:8 Iomraidhean Croise

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Miyambo 1:3

Ddinnahuddiha okhalla mweezeru, moolungama, moororomelleya ni moohikondella.

Miyambo 2:1

Mwanaka, huddera nnddo kinuuhuddiheemi nave osunge nnddo kinuulleelleemi.

Miyambo 4:10

Mwanaka, apella maaru nave akhella mawaaka sika miyakha dda okumaawo ddineerewaata.

Miyambo 8:10

Akhellani malangizwaaka okhwaranya siliva, odduwella okhwaranya golide aphaama wunchichi.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Yohane 12:49

Vawi ngillotille mu olamulello wa meekhaaka koma Attiitthaaka yaakirumalle aakilamula miyaano yoollota ni yowaakhulla.

Yohane 14:10

Khonakhulupilila wi miyaano kiri mwa Attiitthaaka nave Attiitthaaka eri mwa miyaano? Mawu ayo kinalloteemi wa nyuwaano nginallota mwa olamulello wa miyaano meekhaaka koma Attiitthaaka ookhalla mwa miyaano enneera mitteko ddiwa mwa miyaano.

Yohane 15:15

Nginaweeranittho allupa mutteko kaambiiwa mullupa mutteko khanadduwella eyo apwinnya eneeriiwa. Koma kinaweerani akhwaaka kaambiiwa kohuulleellani ddittheddene kiiwalleemi ovenyera wa Attiitthaaka.

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”

Yohane 17:14

Kahaavaha mawaanyu. Nave athu a ellapo yavatthi yaawiita oohudderaaka kaambiiwa khenakhalla a ellapo ya vattheeyo wonanko miyaanottho nginakhalla a ellapo yavatthi.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yohane 3:17

Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

1 Akorinto 15:1

Asinnaka ni arokoraka, vano kinapaalla kiwuupuseni nyuwaano dda othenga waphaama oyo kallalleyeemi wa nyuwaano, oyo mwaakhenlleenyu nave va yooyo echikhulupililwaanyu eniimella moollipa.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,