Yohane 17:6 - Mawu a Mulluku

⁶ “Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:6 Iomraidhean Croise

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Miyambo 2:10

Ezeru eneerovollowa m'murimani mwawo nave odduwella oneerewuuhakallalliha

Miyambo 23:23

Kulla yawoona, ezeru, malangizo ni wiiwesesa, ohiddikullihe.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Yohane 12:28

Sika Attiitthaaka onihellani ntitimiho nanyu!” Vano mawu yahiiweya ovenyera oddullu awi, “Kohooniha ntitimiho naka nave kineerewooniha wiilli.”

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Yohane 15:3

Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 17:14

Kahaavaha mawaanyu. Nave athu a ellapo yavatthi yaawiita oohudderaaka kaambiiwa khenakhalla a ellapo ya vattheeyo wonanko miyaanottho nginakhalla a ellapo yavatthi.

Yohane 17:16

Yaayo khenakhalla a ellapo yavatthi wonanko miyaanottho nginakhalla a ellapo yavatthi.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 17:26

Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 17:7

Nave vano ennadduwella wi erive ello mwaakivahilleenyu enavenyera wa nyuwaano.

Yohane 18:9

Aallota ddenndda wi mawu aallotilleeye ekwakhwanelle awi, “Mwa ayo mwaakivahilleenyu khaavo mmodda akirimeellevo.”

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 6:39

Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Mitteko 13:48

Athu ayo ehiri Ayudaayo yiiwalliiwa ddenndda, yaahakallalla nave etitimiha mawu a Apwiya nave ayo yatthoolliwe wi yaakhelle okumi woohimalla, yaakhalla ookhulupilila.

Aroma 11:2

Mulluku khaakhootille athwaaye ayo atthoonlleeye khalle. Ethiyo khamunadduwella mawu a Mulluku awi namallotella Eliya aamuveka Mulluku wi aallake Aisraele?

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

2 Timoteo 1:13

Thwara echisanzo ya mawu awoona ayo wiiwalleewe wa miyaano, mwa echikhulupililo ni echikondi eyo eri mwa Khrisitu Yesu.

Aheberi 2:12

Olliye aallota wa Mulluku wi, “Kineerewaalleella alliwaayo dda nyuwaano, kineerewuutitimihani va mutthukumanwiiwa.”

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Petro 1:1

Ovenyera wa miyaano Petro, murummwa a Yesu Khrisitu. Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya* ni Bitiniya.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

Yawuupullulla 3:8

kinnadduwella makhallellwaanyu, kinnadduwellattho wi mookhalla ni masiva ooyeva koma moothwara ehuddihwaaka nave khamukikhootille miyaano. Sika koohulla nchiwi vahoollo vanyu, khaavo muthu anaawore owalla.