Yohane 17:2 - Mawu a Mulluku

² Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 17:2 Iomraidhean Croise

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:9

“Mi kinnaavekella yaayo. Nginaavekella athu a ellapo yavatthi koma ayo mwaakivahilleenyu miyaano kaambiiwa eri aanyu.

Yohane 3:35

Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 6:39

Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

1 Akorinto 15:25

Vawi Khrisitu anaphwanella alamulelle ophiyera Mulluku aagonjihalle adani attheene ni waahiya m'mattani mwa Khristu.

Aefeso 1:20

ayo aapharihalleeye mutteko voomuvenyihani Khrisitu wa ookhwa nave amukeraatthiha o nnattanatta oddullu.

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.

1 Timoteo 1:16

Koma Mulluku aakeerella echifundo, miyaano oochimwa waakhwaranya athu attheene wi Khrisitu Yesu oonihe olleva waye ottheene okhalle echisanzo wa ayo enaamukhulupilile muhoollo wi yaakhelle okumi woohimalla.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

1 Yohane 1:2

Okumi wuupullulliwiiwa, naawoona sika ninavelleella omboni dda yooyo ni wuulleellani dda okumi woohimalla oyo waari ni Attiitthiihu nave wahuupullulliwa wa hiyaano.

1 Yohane 2:25

Khrisitu aalonjeza onivaha okumi woohimalla.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.