Yohane 16:8 - Mawu a Mulluku

⁸ Olliye awa aneerewooniha wa athu a va ellapo yavatthi ddawoona ddiwa dda ochimwa, dda echilungamo ni dda echiweruzo.

Yohane 16:8 Iomraidhean Croise

Levitiko 13:12

Namwareyella vamwiillini sika wi nineeromwareyella mwiilli muttheene ovenyera omuruni ophiyera omanyalloni moollikana ni mmo mullupa mukutho oonelleeye,

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Yohane 16:9

Alliwaayo tti oolakwa va machimo kaambiiwa khenakikhulupilila miyaano.

Yohane 8:46

Ttaani a nyuwaano anakeera miyaano wi tti oochimwa? Kaallotaka ddawoona, khamunakikhulupilila miyaano kaambiiwa tini?”

Yohane 8:9

Nave yiiwalliiwa nndda yaavenyavo mmoddammodda waambeella ni attekweene. Yesu ahaanllevo yeekhaaye nave mutthiyanoolle iimenlle vaavo.

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

1 Akorinto 14:24

Koma arive muthu allotellaka nave athu oohikhulupilila apaalle athu amodda yavollowa, eneerovaanyihiwa ni ddittheddene eniiwiiwa. Nave eneereweeruziwa ni ddittheddene eniiwiiwa.

Yuda 1:15

Eneeroowa wi eweeruze athu attheene nave eneerokamulla wi attheene oohaakhulupilila alliwa tti oochimwa ekaamba ya mitteko ddiwa ddoonanara eneeriiwa yaachimwaka navettho ekaamba yawi yaamullotella epewe olliye.”