Yohane 16:21 - Mawu a Mulluku

²¹ Mutthiyana akhalla vakhuviru oyara annakhupanya kaambiiwa enthawaaye yawiiwa ovoreya yoophiya. Koma mwaanooyo ayariwa annatiwalla ovoreya wayenko kaambiiwa annahakallalla wi mwaana ooyariwa.

Yohane 16:21 Iomraidhean Croise

Masalimo 113:9

Ennamweeriha mutthiyana oohiyara opata nibanja, emutthattusa muyepelle oohakallalla. Aleluya!

Yesaya 13:8

Attheene eneerotathilla murima ni wiiwa ovoreya wonanko wa mutthiyana aayaraka. Eneerekowehana mwawoova nave ekhove ddiwa ddineerewooniha woova.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Agalatiya 4:27

Vawi mawu a Mulluku enallota wi, “We mutthiyana oohiyara ipa moohakallalla! We ohinooneke ovoreya wa oyara khuwa ni woopa ellullu! Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.”

Genesis 3:16

Vatulli viwa Mulluku aamulleella mutthiyanooyo wi, “Kineerewoonjerera wunchichi ddoovoreya ddawo wakhalla ni erukullu, oneerekewoona ovoreya va enthawi yooyara. Oneerekomukhallella munkhella mamuno nave mamunooyo aneerekewuulamulella.”

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

Yesaya 66:7

“Muzindaaka tti wonanko mutthiyana oyo anamuyara mwaana ahinaambe wiiwa ovoreya oyo anamuyara mwaana aamullopwana ereta ehinattatthamuwe.

Mika 4:9

We muzinda, oninllellati mookhuwa ddiiddo? Ethiyo khonna mwene? Onahoowellati wonanko mutthiyana va enthawi yooyara?

Yobu 11:16

Oneerotiwalla ddoohoosa ddawo wonanko maaddi oovira.