Yohane 15:7 - Mawu a Mulluku

⁷ Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Yohane 15:7 Iomraidhean Croise

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Yobu 22:26

Ddawoona, oneerohakallallana Amasiva Mattheene, oneerekowehanattho ni Mulluku mwamurendelle.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 37:4

Hakallalla mwa Apwiya, eneerewuuvaha nnddo murimaawo onapaalliiwa.

Miyambo 10:24

Eyo muthu oonanara anayooveeye eneeromumorella koma eyo anapaalla oolungama aneerovahiwa.

Miyambo 4:4

attiitthaakaayo yaakihuddiha mawu awi, “Osunge m'murimani mwawo malangizwaaka nave ovitthe malamulwaaka wi okhalle ni okumi.

Yesaya 58:8

“Mweera ddenndda muneerowala wonanko ohinase nave makhwataanyu eneerovolla mwawaakuva. Echilungamwaanyu eneerewuuhoollellani nave ntitimiho na Apwiya nineerewuutetezani mutulli mwanyu.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Yohane 8:31

Vano Yesu aallota ni Ayuda alle yaakhulupilila mwa olliye wi, “Mwaasungaka mawaaka m'murimani mwanyu ndithu nyuwaano tti oohudderaakathi

Yohane 8:37

Koodduwella wi nyuwaano muri edduullu ya Abrahamu. Naari mupaallaka okiipha miyaano kaambiiwa khamunapaalla osunga mawaaka m'murimani mwanyu.

Agalatiya 4:2

Vinnakhalla athu enamuwehera olliye vamodda ni eyuumaaye ophiyera enthawi eyo yakarathihiwe ni Attiitthinnya.

Agalatiya 5:16

Eyo kinalloteemi tti yawi muhiye wi Munepa Aweella ahoollelleke okumaanyu. Mweeddiiddo khamukwakhwanihaka minkhella dda omuthu.

Deuteronomo 6:6

Mwaasungeke phaama m'murimani mwanyu malamulo kinawinnyeemini ollellwaalla.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Yohane 2:14

Kinuulembellani nyuwaano anaaka kaambiiwa munnaadduwella Attiitthaanyu. Kinuulembellani nyuwaano makhollo kaambiiwa munnamudduwella oyo arivo ovenyera vawaamba. Kinuulembellani nyuwaano asombwe kaambiiwa mookhalla ni masiva nave mawu a Mulluku eri mwa nyuwaano nave moomugonjiha Oonanarooyo.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.

1 Yohane 5:14

Noollipa murima vamiitthoni va Mulluku kaambiiwa ninnasimikiza wi annaniiwa namuveka erive ello moollikana ni opaalla waye.