Yohane 15:4 - Mawu a Mulluku

⁴ Khallani mwa miyaano nave miyaano kikhalle mwa nyuwaano. Enthambi khenimma ezipaso mwa weekhiiwa yaahikhalla vamuteekhoni wa mpesa. Emoddamoddave yeeyo, nyuwaano khamuwora wimma ezipaso mwaahikhalla mwa miyaano.

Yohane 15:4 Iomraidhean Croise

Nchipo na Solomoni 8:5

Ethiyo olla ttaani anavenyera muutthakoni, amuhameelle ookondiwaaye? Namwalli Kahuuvenyiha vatthi va muteekho wa mapulosi. Vaavo sika amaayo yiithuwelliiwa vawuuyarani.

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

Mateyu 12:33

“Muteekho wawunnuwa phaama onniimma ezipaso ddaphaama nave muteekho wohunnuwa phaama khoniimma ezipaso ddaphaama. Muteekho onadduwanyeya ni ezipaso ddiwa.

Luka 8:15

Koma mmiddo wamorenlle va ethaya yaphaama onaphwanaphwana ni athu ayo yiiwalle mawu a Mulluku nave enaasunga m'murimani woororomelleya ni waphaama. Enallipihella ophiyera yimmalle ezipaso.”

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 6:56

Ayo enacha mwiillaaka ni owirya nikhame naka enakhalla mwa miyaano nave miyaano kinakhalla mwa alliwa

Yohane 8:31

Vano Yesu aallota ni Ayuda alle yaakhulupilila mwa olliye wi, “Mwaasungaka mawaaka m'murimani mwanyu ndithu nyuwaano tti oohudderaakathi

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

2 Akorinto 13:5

Muddeeseke ni oddeeruza weekhiinyu wi moone mwaarimi mukhallaka mu echikhulupililo. Ddawoona munnadduwella wi Khrisitu Yesu ari mwa nyuwaano koma mwaari muhiri ddiiddo sika moolephela.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.