Yohane 15:1 - Mawu a Mulluku

¹ “Mi tti muteekho wa mpesa wawoona nave Attiitthaaka sika mwaneena a emata.

Yohane 15:1 Iomraidhean Croise

Nchipo na Solomoni 7:12

Hanko nipehe ohinase oya o emata ddampesa, noone mipesa ddaarimi ddiphuwalle, ddaarimi ddaambille wooniha anamwani a ezipaso navettho makangaza yaarimi ettaphullalle malluwa. Wenko kineerowooniha echikondaaka.

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Ezekiele 19:10

“Amaayo yaari wonanko muteekho wampesa wawaalliwa mukhwipi mwa maaddi. Wahimma phaama okhalla ni enthambi ddinchichi kaambiiwa vaakhalla maaddi manchichi.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Mateyu 15:13

Yesu ahaakhulla wi, “Afarisaalle tti wonanko ddoomella ddoohaalliwa nave Attiitthaaka ooddullu eneeromutulla arive muthu a yaayo.

Mateyu 20:1

“Omwene wa Mulluku tti wonanko niphwanaphwaniho nna. Waakhalla mwaneena a emata oyo akhumalle ohinase wi aalembe allupa mutteko oollima emataaye ya ezipaso ddampesa.

Mateyu 21:33

Yesu aallota wi, “Iwani niphwanaphwaniho nimodda. Waakhalla mwaneena a emata aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mariko 12:1

Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Luka 13:6

Yesu ahaalleella niphwanaphwaniho wi, “Waakhalla muthu mmodda oyo aari ni muteekho wanamukuyu oyo waalliwe m'matani mwaye mwa ezipaso ddampesa. Aaya wi aashemo ezipaso ddanamukuyu koma khaaphwanyillemo.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Yohane 6:32

Yesu aallota wi, “Ddawoona, kinimuulleellani wi, khe Mose uuvahilleni buledi oovenyera oddullu, Attiitthaaka sika enuuvahani buledi awoona oovenyera oddullu.

Yohane 6:55

Vawi mwiillaaka tti yoocha yawoona nave nikhame naka tti yoowirya yawoona.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

1 Yohane 2:8

Koma lamulo kinuulembelleemini vano tti na naanweenettho nave yawooniiwa ennooneya mwa Khrisitu navettho mwa nyuwaano. Vawi epiphi enimamalla nave owala wawoona onnamolleella.