Yohane 14:9 - Mawu a Mulluku

⁹ Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Yohane 14:9 Iomraidhean Croise

Genesis 26:9

Sika Abimeleki aamwiithana Isaki nave aallota wi, “Ddawoona olla tti mwaariyo. Kaambiiwa tini walloteewe wi tti murokoriyo?” Olliye ahaakhulla wi, “Kaganiza wi kineerewiiphiwa kallota wi tti mwaaraka.”

Masalimo 11:1

Kinnathawella wa Apwiya, nyu munaakilleelle mwawiidde wi, “Thawella omwaangoni wonanko epallame!

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Mariko 9:19

Yesu ahaakhulla wi, “Nyu athu a mbado woohikhulupililoolla! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Luka 12:56

Nyu awoottha, munnadduwella ollotella wooneya wooddullu ni ellapo yavatthi koma khamunawora ottaphullella ezizindikiro dda enthawi yeella. Munnadduwella ollotella wooneya wa va ellapo yavatthi ni oddullu koma kaambiiwa tini muhinadduwellaanyu ottaphullella wa enthawi yamuttano?

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 10:30

Miyaano ni Attiitthaaka niri amodda.”

Yohane 12:45

Nave oyo anakoona miyaano, anamoona oyo aakirumalle.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Yohane 14:7

Vawi mookidduwella miyaano muneerewaadduwellattho Attiitthaaka nave waambeella ollello munnaadduwella nave moowoona.”

Yohane 8:19

Vano yaamukoha wi, “Attiitthaanyu eri wuuwi?” Yesu ahaakhulla wi, “Khamunakidduwellesesa miyaano naari Attiitthaaka. Mwaakidduwelleseseke miyaano, mwawerewaadduwellattho Attiitthaaka.”

1 Akorinto 15:12

Othengaahu tti wawi Khrisitu oovenyihiwa wa ookhwa. Kaambiiwa tini amoddanyu munallota wi athu ookhwa khewa evenya?

Afilipi 2:6

Aari wonanko Mulluku, koma khaawanddeellelle wi akhalle moophwanaphwana ni Mulluku.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.