Yohane 13:9 - Mawu a Mulluku

⁹ Simoni Petro ahaakhulla wi, “Apwiya, muhihapihe manyallwaakave! Koma muhapihettho mattaaka ni murwaaka!”

Yohane 13:9 Iomraidhean Croise

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Yohane 13:10

Yesu ahaakhulla wi, “Ayo ehapille aheella wunchichi nave khenapaalleyattho ohapa koma manyallove.” Nyuwaano moheella koma woohikhalla attheenenyu.

Yohane 13:8

Petro aallota wi, “Khamuwa muhapiha manyallwaaka.” Yesu ahaakhulla wi, “Kaahihapiha manyallwaawo, khokhalla oohudderaaka.”

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.