Yohane 13:5 - Mawu a Mulluku

⁵ Nave aahella maaddi mumbaleni aamba ohapiha manyallo a oohudderaaye ni waapukuta ni mpango amakenlleeyoolle.

Yohane 13:5 Iomraidhean Croise

Genesis 18:4

Asimaaddi vang'ono ewe wi muhuwe manyallo. Mweereke mwiithuuwaka vamuteekhonimva.

Genesis 19:2

nave aallota wi, “Pepaani apwiyaaka, hankoni mwaphiye o enyumba ya kaporwaanyu, mwahuwe manyallo nave mwakone wenko. Ohinase wasa, muneerokhwaranya ni olendwaanyu.” Koma alliwa yahaakhulla wi, “Iyaayi, hiyaano ninaakone vaatte m'muzindani mwemmu.”

Genesis 43:24

Kaporooyo avollowillena allopwanaayo mpa mwa Yosefe ahaavaha maaddi wi ehuwe manyallwiiwa nave ahaachihattho abulwiiwaalle.

2 Mamwene 3:11

Vaavo mwene Yehoshafati aakoha wi, “Ethiyo wuno khaawo namallotella wi anikavihere oveka ezeru wa Apwiya?” Muthu mmodda mwa oohoollella mulloko wakhoto wa mwene Yoramu ahaakhulla wi, “Okhallawo, Elisha, mwaana a Shafati oyo aari oomukavihera Eliya.”

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Eksodo 29:4

“Oweena Aroni ni anaaye o mullako wa musasa wamutthukumano nave attheenaayo oweerihe wi ehape moopatuleya.

Yesaya 1:16

Hapani, ddeelliheni nyookha nave venyihanivoni vamiitthoni vaka mitteko ddanyu ddoonanara. Ddawoona, hiyani weera ddoonanara

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Levitiko 14:8

Oovoriiwa anaaka eellihiwooyo achape ddoowara ddaye, acheme meehaaye mattheene nave ahape, vano eeddiiddo aneerokhalla aweellihiwa. Amalliha ddittheddennddo, avollowe omisasani koma akhalle otte wa musasaaye mallapo matthanu ni meelli.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Luka 7:44

Vano aamuweha mutthiyanoolle allota ni Simoni wi, “Onnamoona mutthiyanoolla? Miyaano kaavollowa mpa mwawo nave khamwaakivahille maaddi oohuwella manyallo. Koma olliyoolla oohuwa manyallwaaka ni miitthori ddaye nave oopukuta ni meehaaye.

Yohane 13:10

Yesu ahaakhulla wi, “Ayo ehapille aheella wunchichi nave khenapaalleyattho ohapa koma manyallove.” Nyuwaano moheella koma woohikhalla attheenenyu.

Yohane 13:6

Aaphiya va Simoni Petro nave Petro aallota wi, “Apwiya, munaaka mukihapihe manyallwaaka?”

Yohane 13:8

Petro aallota wi, “Khamuwa muhapiha manyallwaaka.” Yesu ahaakhulla wi, “Kaahihapiha manyallwaawo, khokhalla oohudderaaka.”

Yohane 19:34

Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Oweeruza 19:21

Sika ahaakusella owaniwa, aavaha yoocha abulwaalle. Nave alletwaayo yaahuwa manyallwiiwa, yaacha nave yaawirya.

1 Samuele 25:41

Mutthiyanooyo aakokhora apopheya ekhovaaye vatthi allota wi, “Mi kiri ookhozeka okhalla kaporo a Davide naari ohapiha manyallo a allupa muttekwaaye.”