Yohane 13:2 - Mawu a Mulluku

² Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yohane 13:2 Iomraidhean Croise

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Nehemiya 2:12

Nave ngaamulleelle arive muthu nnddo Mulluku addihiyalleeye m'murimani mwaka wi kimweerelle Yerusalemu. Vano kaavenya mahiiyu vamodda ni athu amodda vang'ono nave khavaari erive enama opatula bulu oyo kamuwenlleemi.

Mateyu 10:4

Simoni a mulloko wa endale wa Azelote* ni Yudasi Isikariyoti oyo amuvelleelle Yesu.

Luka 22:3

Satana aavollowa mwa Yudasi, ooromolliwattho Isikariyoti, oyo aari mmodda a oohuddera khumi ni eelli.

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

Yohane 13:11

Vawi Yesu aadduwella khalle oomuvelleella sika kaambiiwa aallotilleeye wi, kheyaari ooweella attheene.

Yohane 13:4

Sika ahiimella vamugoneloni valle arulla yawiikhuneellaaye nave akusa mpango amakella muyuununi mwaye.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Yawuupullulla 17:17

Vawi Mulluku ohaavaha mamwenaalla murima woopaalla weera yoolingaaye vawiiwananani ovelleella masiviiwa ni olamulellwiiwa wa enama yuullupalli yawoopiha ophiyera mawaaye ekwakhwanihiwe.