Biblia Todo Logo
Bìoball air-loidhne

- Sanasan -




Yohane 13:18 - Mawu a Mulluku

18 “Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Faic an caibideil Dèan lethbhreac




Yohane 13:18
27 Iomraidhean Croise  

Naarittho mukhwaaka a vamurimani, oyo kamuroromelleemi, oyo kacheemina, ookiwukila.


Ishmaele mwaana a Netaniya ni athu khumi yaavenya emwiipha ni masupadiiwa Gedaliya, mwaana a Ahikamu, mwaana a Shafani, oyo mwene a o Babiloni amuhiyalleeye wi akhalle oolamulella ellapo.


adani a muthu enaakhalle a munibanjani mwaye.


Vano echaka Yesu aallota wi, “Ddawoona, kinimuulleellani wi mmodda a nyuwaano aneerokivelleella wa adanaaka.”


Yesu ahaakhulla wi, “Yooyo amurenre buledi mu embale nimodda ni miyaano, sika anaakivelleelle.


Nave voophiyani misikuwa, Yesu aawa ni oohudderaaye khumi ni eelli mu echipindeeyo.


Vano achaka, Yesu aallota wi, “Ddawoona, kinimuulleellani wi mmodda a nyuwaano oyo anacha ni miyaano aneerokivelleella wa adanaaka.”


Yesu ahaakhulla wi, “Tti mmodda a nyuwaano khumi ni eelli, yooyo amurenre buledi mu embale nimodda ni miyaano.


“Koma dduwellani wi anakivelleella wa adanaaka anacha ni miyaano vaava!


Yesu allotille nndda aahoowa m'murimani mwaye nave aallota moohikhuwa wi, “Ddawoona, kinimuulleellani wi mmodda a nyuwaano aneerokivelleella wi kiiphiwe.”


Oohudderaaye yaawehana mmodda ni mukhwaaye ekayikaka wi anamwaaka aani.


Yesu ahaakhulla wi, “Tti oyo kinaamurerelleemi buledi ni omuvaha.” Sika aamukusa buledi, amurera amuvaha Yudasi, mwaana a Simoni Isikariyoti.


Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.


Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.


Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’


Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.


Ella yaheereya wi mawu a Yesu oollota dda mmo anaakhwelleeye ekwakhwanelle.


Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.


Nndda ddaheereya wi mawu a Mulluku ekwakhwanihiwe awi, “Naari nikhuva naye nimodda khaniwa ninttakiwa.”


Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.


Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”


“Asinnaka ni arokoraka, waari woophwanella wi mawu a Mulluku ekwakhwanihiwe mmo Munepa Waweella allotilleeye oweella mwa Davide ollotella dda Yudasi, oyo aari owaahoollella ayo yamuphanre Yesu.


ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.


Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.


Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.


Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.


Lean sinn:

Sanasan


Sanasan