Yohane 13:11 - Mawu a Mulluku

¹¹ Vawi Yesu aadduwella khalle oomuvelleella sika kaambiiwa aallotilleeye wi, kheyaari ooweella attheene.

Yohane 13:11 Iomraidhean Croise

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yohane 13:21

Yesu allotille nndda aahoowa m'murimani mwaye nave aallota moohikhuwa wi, “Ddawoona, kinimuulleellani wi mmodda a nyuwaano aneerokivelleella wi kiiphiwe.”

Yohane 13:26

Yesu ahaakhulla wi, “Tti oyo kinaamurerelleemi buledi ni omuvaha.” Sika aamukusa buledi, amurera amuvaha Yudasi, mwaana a Simoni Isikariyoti.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 18:4

Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.