Yohane 11:11 - Mawu a Mulluku

¹¹ Vano Yesu aallotattho wi, “Mukhwiihu Lazaro animakona nave kinaya kamuvenyihe.”

Yohane 11:11 Iomraidhean Croise

2 Mamwene 4:31

Gehazi sika ahoollille nave aahiya ekopweeyo veekhoveni va mwaanooyo koma khavaawiiweyille naari mawu apaalle erive echizindikiro ya okumi. Sika olliye aahokollowa aya akumana ni Elisha amulleella wi, “Mwaanoolle khavenyille.”

2 Epilli 20:7

Nyu Mullukwaahu, ethiyo khemwaawiikanre aneetthi amwiillaponimmu ehinaphiyemo Aisraele athwaanyu nave muyivaha wa edduullu dda Abrahamu mukhwiinyu wa enthawi yoohimalla?

Eksodo 33:11

Sika Apwiya yaanallota ni Mose vamiitthoni ni vamiitthoni, wonanko mmo muthu anallotelleeye ni mukhwaaye. Nave vatulli viwa Mose aanahokollweella omisasani. Koma musombwe mmodda nnddina naye Yoswa, mwaana a Nuni, oyo aari oomukavihera Mose, khaavenyawo.

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Mateyu 27:52

Mahame yaahulleya nave athu anchichi a Mulluku Aweella murima ayo yaari ekhwille, yaavenyihiwa wa ookhwa.

Mateyu 9:24

aallota wi, “Khumani, attheene! Namwalloolla khakhwille koma animakona!” Vano attheene yaamuttheya mweepewe.

Mariko 5:39

Avollowilleeye aakoha wi, “Kaambiiwa tini muninlleenyu ni woopa ekutho? Mwaanoolla khakhwille koma animakona!”

Yohane 11:10

Koma muthu eeta mahiiyu annakwakwatuwa vawi khanna owala.”

Yohane 11:12

Oohudderaalle yahaakhulla wi, “Apwiya aarimi akonaka, aneerochira.”

Yohane 11:13

Yesu allota dda okhwa wa Lazaro koma alliwaayo yaganiza wi allota dda okona wa ekhove.

Yohane 11:3

Vano arokoriyaayo yaamurumiha amithenga wa Yesu, allota wi, “Apwiya, mukhwiinyu ookondiwa animavoriiwa.”

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.

1 Akorinto 15:18

Vano athu ayo yakhwille emukhulupililaka Khristu khevullusiwa.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

1 Atesalonika 5:10

Olliyooyo aanikhwella hiyaano wi naari niri ni okumi apaalle nikhwille niwe nikhalle akumi vamodda ni yooyo aawaaka.

Yakobo 2:23

Nave mawu a Mulluku yaakwakhwana awi, “Abrahamu aamukhulupilila Mulluku nave ekaamba ya echikhulupilwaaye, Mulluku aamwaakhullella wi tti oolungama.” Sika Abrahamu aheeriwa mukhwaaye a Mulluku.