Yohane 10:5 - Mawu a Mulluku

⁵ Khaddimuthwara mulleto koma ddineeromuthawa olliyooyo kaambiiwa khaddinadduwella mawu a mulletooyo.”

Yohane 10:5 Iomraidhean Croise

1 Mamwene 22:7

Koma Yehoshafati aakoha wi, “Ethiyo khaavo namallotella mmodda a Apwiya wi nivekewo ezeru?”

Miyambo 19:27

Mwanaka, wahiya ohuddera oneerovirikana ni odduwella.

Mariko 4:24

Aallotattho wi, “Oyo ari ni maaru iiwesese! Mulluku aneerophariha mutteko mulingo wa nyuwaano woophwanaphwana ni oyo munaphariheenyu mutteko wa athu amodda naarittho aneerewuuvahani moovirellella.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 10:4

Addikhumiha ddittheddene, annaddihoollella nave enkhosannddo ddinnamuthwara kaambiiwa ddinnadduwella mawaaye.

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

1 Yohane 2:21

Kinuulembellani ohiri kaambiiwa khamunadduwella yawoona koma kaambiiwa mwaadduwella khalleve navettho munnadduwella wi yawoona khenavenyera mu ddawoottha.

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.