Yohane 10:21 - Mawu a Mulluku

²¹ Koma amodda yaallota wi, “Muthu ookhalla ni munepa woonanara khanallota mwawi ddiidda! Munepa woonanara ttuuwora omweeriha muthu oohoona wi ooneke?”

Yohane 10:21 Iomraidhean Croise

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Masalimo 94:9

Ethiyo oyo aphatusalle maaru, khaniiwa? Ethiyo oyo apangille miittho, khanoona?

Eksodo 4:11

Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Miyambo 20:12

Naaru nawiiwella, niittho nawoonella, piillinndda yaddiphatusalle tti Apwiya.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Yohane 10:22

Vano mu Yerusalemu mwaakhalla Ehakallallo yawuupuwella dda weellihiwa wa enyumba ya Mulluku. Enthawi yeeyo yaari eyitta.

Yohane 9:6

Aallotilleeye nndda aattaphera vatthi eettheya ethaya ni maraalle nave amara matokwaayo vaddullu va miittho a muthooyo,