Yohane 1:49 - Mawu a Mulluku

⁴⁹ Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yohane 1:49 Iomraidhean Croise

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 14:33

Vano oohuddera ayo yaari mukallawani mulle yaamullapella Yesu, ellota wi, “Ddawoona, kinimuulleellani wi nyuwaano tti Mwaana a Mulluku!”

Mateyu 2:2

Vano yaakoha wi, “Ari wuuwi mwaanooyo ayariwe wi akhalle mwene a Ayuda? Hiyaano noonille etheneeri yoodduwelliha oyariwa waye ekhumalle wookhuma nndduwa, vano noowa wi nimullapelle.”

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Mateyu 23:7

Navettho ennakonda ovahiwa mooni moolemu m'misikani ni wi eromolliweke ‘Ahuddihi.’

Mateyu 23:8

Nyuwaano muhiromolliweke wi ‘Ahuddihi’ kaambiiwa muri ni ahuddihi amoddave nave nyuwaano attheene tti musinne ni murokoriye.

Mateyu 27:11

Vano Yesu ahiimella vamiitthoni va Pilato, oolamulella a o Romoolle nave oolamulellooyo aamukoha wi, “We tti Mwene a Ayuda?” Yesu ahaakhulla wi, “Mullotillethi nyookha.”

Mateyu 27:42

“Aanaavullusa amodda koma khanawora wiivullusa yeekha. Khe olla mwene a Israele? Akitthevo vamutandanimvo vano wi nimukhulupilile!

Mateyu 4:3

Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Mariko 15:32

Nimoone Mesiya,* Mwene a Israele, kitthavo vamutandanimvo wi noone nave nikhulupilile!” Nave ayo yatthomeyiwena vamodda yaamullotellattho epewe emoddamoddave yeeyo.

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Yohane 1:34

Sika kohoona yeella nave koovelleella omboni wi yoolla tti Mwaana a Mulluku.”

Yohane 1:38

Yesu aarukunuwa awoona alliwa emuthwaraka nave ahaakoha wi, “Munaasha tini?” Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.)

Yohane 1:50

Yesu aallota wi, “Onakhulupilila kaambiiwa kahuulleella wi kaawoona weyaano vatthi va muteekho wanamukuyu? Oneerewoona ddeko dduullupalli ddookhwaranya ddenndda!”

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yohane 4:31

Va enthawi yeeyo oohudderaalle yaamuveka Yesu wi, “Ahuddihi, chani!”