Yohane 1:41 - Mawu a Mulluku

⁴¹ Enthawi yeeyo aaya wa mwanamunne Simoni nave aamulleella wi, “Hi noomphwanya Mesiya.” (Mesiya anattaphullella Khrisitu.)

Yohane 1:41 Iomraidhean Croise

2 Mamwene 7:9

Sika yahaamba otakhellana wi, “Nineereehunndda khe ddaphaama. Ollello sika nllapo na othenga waphaama. Neera ellapo tuu ophiyera osiisello nineerollakiwa. Sika vano hankoni nalleelle enduna dda mwene.”

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Luka 2:17

Abusaayo yamoonilliiwa mwaanooyo, yahaalleella nnddo ddallotiwe ni mungelo dda mwaanooyo.

Luka 2:38

Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 4:25

Mutthiyanoolle aallota wi, “Kinnadduwella wi Mesiya* animawa oyo aneeriwa Khrisitu. Olliyooyo awa, aneeronilleella ddeko ddittheddene.”

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.