Yohane 1:18 - Mawu a Mulluku

¹⁸ Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Yohane 1:18 Iomraidhean Croise

Genesis 16:13

Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”

Genesis 18:33

Nave Apwiya emallihalle ollota, yaamuhiya vaavo Abrahamooyo.

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 24:10

nave yaamoona Mulluku a Aisraele. Vatthi va manyallwaaye vaakhalla ello yawooneya wonanko musewu woopangiwa ni nlluku na safiro noowala wonanko oddullu.

Miyambo 8:30

Kaari muthu eeruso vakhuviru ni alliwa, kinaahakallalliha nllapo ni nllapo, kaanathapella enthawi ettheene vamiitthoni viwa.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Maliro 2:12

Anamwanaayo enimawinllella ameewa wi, “Ethiyo yoocha ni maaddi ddiri wuuwi?” Enakoha ddenndda nngu engomowaka wonanko athu oohomiwa m'misewuni dda m'mizindani, elluwellaka vang'ono vang'ono m'mattani mwa ameewa.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 12:41

Yesaya aallotille ddenndda kaambiiwa ahoona ntitimiho na Yesu nave allotella dda olliyooyo.

Yohane 13:23

Mmodda a oohudderaayo, oyo Yesu aamukondilleeye aakeraatthi vakhuviru ni Yesu.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Yohane 17:26

Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 3:11

Kinimuulleella ddawoona wi, ninallota yeeyo ninadduwelleehu nave ninavelleella omboni dda yeeyo nonneehu koma nyuwaano khamunamukhulupilila ombonaahu.

Yohane 6:46

Nginallota wi, ookhallavo muthu oyo awoonille Attiitthaaka koma meeneve kavenyenre wa Mulluku sika kiwoonille.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Deuteronomo 4:12

Apwiya yaallota ni nyuwaano eri m'munllonimmo nave mwahiiwa mawiiwa koma khemoonille mooneyellwiiwa.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

1 Yohane 4:12

Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 4:9

Nave Mulluku ahooniha echikondaaye va hiyaano voomurumihani Mwanaye mmoddave yooyo mu ellapo yavatthi wi nikhalle ni okumi oweella mwa olliyooyo.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.