Biblia Todo Logo
Bìoball air-loidhne

- Sanasan -




Yohane 1:14 - Mawu a Mulluku

14 Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Faic an caibideil Dèan lethbhreac




Yohane 1:14
60 Iomraidhean Croise  

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.


Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.


Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.


Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”


Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.


Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.


Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.


Yakobo aamuyara Yosefe, mamune a Mariya, mwa oyo Yesu ooromolliwa Mesiya,* ayariweeye.


Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!


Nave aamuyara mwanaye awaamba aamullopwana. Aamuhuruwella ni ekuwo, amukonaatthiha moochella enama vawi yaarama nipuro nawi ekhallemo mu enyumba ya alleto.


Enthawi yeeyo Petro ni akhwaayaayo yaari ekhwillevo ni ekhove. Nave yavenyilliiwa yahoona ntitimiho na Yesu nave athu eelli yiimenlle ni Yesu.


Vawaambawaamba oyo aneeriwa Mawu aari arivo khalle. Mawu yaayo yaari wa Mulluku nave Mawu yaalla tti Mulluku.


Yesu aallota wi, “Ngawuulleelle wi wakhulupilila oneerewoona ntitimiho na Mulluku?”


Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.


Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?


Kaakawanana ntitimiho mwakivahilleenyu wi ekhalle amodda, wonanko mmo nyuwaano ni miyaano niri amodda.


“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.


Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”


Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.


Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.


Ayo enakhulupilila mwa Mwaana khaneeruziwa koma oohikhulupilila aheeruziwa khalle kaambiiwa khekikhulupililalle miyaano Mwaana mmoddave a Mulluku.


Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”


muneerodduwella yawoona nave yawooneeyo eneerewuuttaphullani.”


Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’


Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.


Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.


Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.


Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.


Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,


Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,


Vawi Mulluku aaganiza wi oonihe makhallellwaaye mattheene mwa Mwaanooyo.


Olliye tti yoohullella ya eyuuma yoovittheya ya ezeru ni odduwella wa Mulluku.


Vawi makhallello mattheene a Mulluku enakhalla mwa mwiilli wa Khrisitu,


Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”


Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.


Vawi Mulluku khaallotille naari wa mmodda a angelwaaye wi, “We tti Mwanaka, ollello kohuuyara weyaano.” Naari Mulluku khaallotille wa mungelo wi, “Kineerokhalla Attiitthinnya, nave olliye aneerokhalla Mwanaka.”


Khrisitu awiilleeye va ellapo yavatthi aallota wa Mulluku wi, “Nyu khamunapaalla mukutho ni emphaso, koma mwaakivaha miyaano mwiilli.


Annaweelliha athu o machimwiiwa nave olliye vamodda ni ooweellihiwaayo, Attiitthiiwa tti mmodda. Ella sika ekaambiiwa Yesu ahinawulliweeye muru waaromolla wi tti asinne ni arokoriye.


Emoddamoddave yeeyo Khrisitu khaawiivahille olemu yeekhaaye wi akhalle mullupa mukutho muullupalli. Koma Mulluku sika allotille wa olliye wi, “We tti Mwanaka. Ollello kohuuyara weyaano.”


Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.


Nave Mulluku ahooniha echikondaaye va hiyaano voomurumihani Mwanaye mmoddave yooyo mu ellapo yavatthi wi nikhalle ni okumi oweella mwa olliyooyo.


Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.


Mukanjo awarilleeyooyo waari wooruweyiwa munikhameni. Sika nnddina naye naari, “Mawu a Mulluku.”


Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.


Lean sinn:

Sanasan


Sanasan