Yawuupullulla 9:3 - Mawu a Mulluku

³ Nave nazombe aakhuma ovenyera m'mwiisinooyo omorella va ellapo yavatthi nave ddaavahiwa masiva oophwanaphwana ni analikalizi.

Yawuupullulla 9:3 Iomraidhean Croise

Yawuupullulla 9:5

Nazomboolla khaawaakhullelliwe wi awiiphe athwaayo koma waahoosave wa miyeri mitthanu. Ovoreya wa ohoosiwanko waari woophwanaphwana ni olluma wa nalikalizi.

Yowele 1:4

Eyo nazombe ayihiyalleeye, yaachiwa ni nazombe mmodda eyo nazombe yoolla ayihiyalleeye, yaachiwattho ni nazombe mmodda. Eyo nazombe mmoddoolla ayihiyalleeye yaachiwattho ni nazombe mmodda.

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Deuteronomo 8:15

Alliwa yahuuhoollellani ophiyera mwaakhwaranya echipululu yuullupalli ni yawoopiheelle, mulle mwaari enowa dda nttipwi ni analikalizi. Nave yahuuvahani maaddi ookhuma munllukuni mu ellapo yawumma yoohikhalla ni maaddi.

1 Mamwene 12:11

Attiitthaaka yahuureyani nigoli noollemella, miyaano kineerewaanjereravo. Nave attiitthaaka yuuwashullani ni miwashullo shisha koma miyaano kineerewuuwashullani ni miwashullo ddamukoko.’ ”

Oweeruza 7:12

Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.

Luka 10:19

Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni.

Nahumu 3:17

Enduna ddanyu ddiri wonanko middope, attekweenaanyu tti wonanko nazombe oyo anawanddeellella vasirini wariirya koma nndduwa nakhuma, annavava nave khaavo anadduwella nko akelleeye.

Nahumu 3:15

Naari mweere ddiiddo, munllo oneerewuushellellihanive, nsupada nineerowiiphani, nineerewuumallihani wonanko nazombe. Naari muttotthollane wonanko nazombe apaalle wonanko middope.

Ezekiele 2:6

We mwaana a muthu, ohoove apaalle otthukumellana nnddo enaallotekiiwa. Ohooveke naari miiwa apaalle kakande ddiwaapheelle naari wakhalla variyari va anamukalizi. Ohooveke mawiiwa nave ohikhupanyeke ni maweherwiiwa vawi athwaayo tti oowukila.

Yesaya 33:4

Athu ennatthukumaniha ddawaakha ni oddilluphella wonanko aneerella nazombe.

2 Epilli 10:11

Attiitthaaka yahuureyani nigoli noollemella, miyaano kineerewaanjereravo. Nave attiitthaaka yuuwashullani ni miwashullo shisha koma miyaano kineerewuuwashullani ni miwashullo ddamukoko.’ ”

2 Epilli 10:14

Nave aallota moollikana ni malangizo a asombwaalle wi, “Attiitthaaka yahuureyani nigoli noollemella koma miyaano kineerewaanjereravo. Navettho yahuuwashullani ni miwashullo shisha miyaano kineerewuuwashullani ni miwashullo ddamukoko.”

Yawuupullulla 9:7

Nazombooyo aari awooneya wonanko akavalo akhoto, vamuru vaye ooneya wonanko awanre akorona* a golide navettho ekhove ddaye ddooneya wonanko dda athu.