Yawuupullulla 8:2 - Mawu a Mulluku

² Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

Yawuupullulla 8:2 Iomraidhean Croise

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Luka 1:19

Mungelooyo ahaakhulla wi, “Mi tti Gaburiyele, oorumeyella a Mulluku, oyo akirumalle wi kuulleelle othenga waphaamoolla.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

1 Akorinto 15:52

mu enthawi yooyeva, mwawaakuva wonanko ominyalla wa niittho nipallapata noomalliha noopiwa. Vano athu ookhwa eneerovenyihiwa ni mwiilli woohimalla, hiyaanottho nineerotthattusiwa.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

Yawuupullulla 8:13

Vano kaaweha nave kahiiwa mawu oollotiwa moowella ni epallame ya mpungu eyo yavava muddullu wi, “Otulli! Otulli! Ootulli tti athu attheene enakhalla va ellapo yavatthi vawi angelo araru ehanllaalle eri vakhuviru woopa mapallapatiiwa!”

Yawuupullulla 8:6

Nave angelo alle yaari ni mapallapata matthanu ni meelli yaakhozekella wi yoope.

Yawuupullulla 9:1

Nave mungelo aneetthanu ahoopa nipallapata naye. Kahoona etheneeri eyo yamorelle va ellapo yavatthi nave yaavahiwa makiiyi oohullella o nlliti noowallamellesesa.*