Yawuupullulla 3:2 - Mawu a Mulluku

² Sika venyani nave muphare mooyillipiha eyo muriinyuna ehinaphiye vookokhowani. Vawi kohoona wi makhallellwaanyu khenakwakhwanella vamiitthoni va Mullukwaaka.

Yawuupullulla 3:2 Iomraidhean Croise

1 Mamwene 11:4

Vano Solomoni uulluvanlleeye awariyaayo yaamurukunusa murima wi allapelleke milluku ddimodda. Olliye khaari oororomelleya wa Apwiya mullukwaaye wonanko Davide attiitthinnya.

1 Mamwene 15:3

Abiya aaneera ddoonanara ddittheddene nnddo attiitthinnya yeeriiwa. Khaawiiwellelle Apwiya Mulluku ohiyana ni Davide nikhollo naye.

2 Epilli 25:2

Vano aheera ddoolungama vamiitthoni va Apwiya koma ohiri ni murima woororomelleya.

Yobu 16:5

Keerewuullipihani ni mawaaka, keerewuukhurumusani ni ddoollota ddaka.

Yesaya 35:3

Mullipihe matta oofooka, mwaavahe masiva makuttha oovelleveddeya.

Yesaya 56:10

Alliwa enallota wi, “Oohoollella attheene a Israele tti oohoona, attheenaayo khenna ezeru. Tti wonanko anapwa ookarangeya, oohiwora wuuwa koma enakhallella olloha, okonaatthi ni oddivelliwa ekhove.

Yesaya 57:12

Kineerowoonihella echilungamwaawo yawoottha ni mitteko ddawo koma khophurana ello.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Daniele 5:27

TEKELE sika wi nyuwaano moolingiwa va esikelo nave mooyelleella.

Zekariya 11:16

Vawi kineeromukeraatthiha mbusa mwiillaponimmu, mbusa ahinapwatheke enkhosa ddoorimeella, ahinaashaasheke ddoohollowa apaalle ochiriha ddoorakalla ni ochiha ddookumi. Koma olliye anaakhallelleke ocha enama ya enkhosa ddooneneva ophiyera opwesa ni akokotokwiiwa.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mateyu 25:13

“Sika, chenjerani vawi khamunadduwella nllapo nene apaalle enthaweene.”

Mateyu 25:7

Vano anamwalli attheenaalle yaavenya epotokosa enyali ddiwanndde.

Mitteko 18:23

Akhanlleeye wenko, aatimulla nave aaya o echigawo ya Galatiya ni Frijiya, aallipihaka murima ookhulupilila attheene.

Deuteronomo 3:28

Koma omulangize phaama ni omullipiha murima Yoswa kaambiiwa olliye sika anaahoollelle athwaalla ollapuwa ophiyera ekhopella emoddeeyo ni waakha ellapo eyo onaayooneeweeyo.’

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”

Yawuupullulla 2:4

Koma kookhalla ni ello yawuuvaanyihani, khamunakikonda wonanko vawaamba valle.

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

Yawuupullulla 3:3

Vano upuwellani nnddo mwahuddenreenyu ni nnddo mwiiwalleenyu, mweereke ddennddo nave murukunuwe murima. Mwaahivenya, kineeroowa wa nyuwaano wonanko mullupaawiiya nave khamudduwellattho enthawi kineereemi kiweelle.