Yawuupullulla 2:3 - Mawu a Mulluku

³ Munnavillella, moohoowa ekaamba ya miyaano koma khamukihiyalle.

Yawuupullulla 2:3 Iomraidhean Croise

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

Masalimo 69:7

Vawi koovevulliwa, ekhovaaka yoowulliwa muru ekaamba ya nyuwaano.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Mariko 15:21

Akhotwaayo yamukusalliiwa Yesu yaakumana ni muthu oovira nnddina naye Simoni, avenyeraka o mizi ayaaka o etawoninko. (Simoni aari a o Kurene, attiitthiiwa a Alekizandro ni Rufu.) Akhotwaayo yaamuwatihera wi areye mutanda wa Yesu.

Luka 14:27

Ayo ehinatukhulla mutandiiwa ekithwara miyaano khenaphwanella okhalla oohudderaaka.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 21:19

Kaambiiwa mwavillella muneerewaakhella okumi woohimalla.

Luka 5:5

Simoni ahaakhulla wi, “Apwiya, mahiiyu mattheenaalla noophara mutteko moollipiha ohiipha ello koma vawi nyuwaano moollota, kineerovokhellawo nthavinno.”

Luka 8:15

Koma mmiddo wamorenlle va ethaya yaphaama onaphwanaphwana ni athu ayo yiiwalle mawu a Mulluku nave enaasunga m'murimani woororomelleya ni waphaama. Enallipihella ophiyera yimmalle ezipaso.”

Yohane 15:21

Nave eneeroweerellani ddittheddenenndda kaambiiwa muri ookithwara vawi khenamudduwella oyo aakirumalle.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

Aroma 16:12

Mooni wa Trifena ni Trifosa ayo enaarumeyella Apwiya. Moonittho wa Perisi, mukhwaaka kinamukondeemi oyo allipihenlle ophara mutteko mwawaarumeyella Apwiya.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Aroma 8:25

Koma naatiyerellaka eyo nihinooneehu, ninnatiyerella yeeyo moovillella.

1 Akorinto 13:7

Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene.

1 Akorinto 16:16

wi mwiiwellelleke olamulello wa athu wonanko yaalla ni arive muthu oyo anaphara mutteko ni orumeyella ni alliwaayo.

2 Akorinto 10:15

Nave khaninakotella mutteko oyo ophariwe ni athu amodda ovirellella muyezo Mulluku anivahilleeye koma ninatiyera wi echikhulupilwaanyu yunnuwe wi munivahe olemu munchichi voohivirerellani muyezo anivahille Mulluku.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

2 Akorinto 5:9

Ninnapaallesesa waahakallalliha, ohiyana ni erive ello, vatthimva naari oddullunko.

2 Akorinto 6:5

vawuukuthiwani, voohiyiwani mundende, vootthukumanelliwani, voopharani mutteko moollipa, voohikonani ni voohichani.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Afilipi 2:16

Nave wanddeellellani othenga woovaha okumi. Mwaaweeraka ddiiddo kineerokhalla ni ekaamba yawuukotellani va Nllapo na owa wa Khrisitu kaambiiwa ddineerewooniha wi muttekwaaka ni ollipihella waka ottheene woophura ello.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

1 Atesalonika 5:12

Asinnihu ni arokorihu, ninuuvekani wi mwaavaheke olemu ayo enaphara mutteko variyari vanyu vawuuhoollellani ni vawuuhuddihani ettilla ya Apwiya.

2 Atesalonika 3:13

Nave nyuwaano, asinnihu ni arokorihu, muhitope vaweerani ddaphaama.

2 Atesalonika 3:5

Ninaaveka Apwiya wi yuuhoollelleni wi mudduwelle dda echikondi ya Mulluku ni ovillella nko onavelleelliwa ni Khrisitu.

2 Atesalonika 3:8

Khanaachille yoocha ya arive muthu moohillivella koma naaphara mutteko moollipa otthaana ni mahiiyu ophiyera otopa wi nihuullemelleni nyuwaano.

1 Timoteo 4:10

Vawi ninnaphara mutteko moollipihella kaambiiwa nookhalla ni etiyerellwaahu mwa Mulluku Ookumi, oovullusa athu attheene, makamaka ookhulupilila.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Aheberi 13:13

Hankoni vano niye wa olliye otte wi navevulliwekena nimodda.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Aheberi 6:12

Khaninapaalla wi nyuwaano mukhalle oolesi koma mukhalle wonanko ookhulupilila ayo enavillella ophiyera yaakhenlle eyo Mulluku aalonjezilleeye.

Aheberi 6:15

Abrahamu aavillella mwawiithaalla nave sika ahaakhella nnddo Mulluku amulonjezilleeye.

2 Petro 1:6

va odduwella wanyu mwaanjererevo wiihiiha, va wiihiiha wanyu mwaanjererevo ovillella, va ovillella wanyu mwaanjererevo makhallello ookhulupilila,

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.